Siyasət

Siyavuş Novruzovun DİN-lə bağlı təkzib etdiyi açıqlamanın SƏS YAZISI - AUDİO

8 Aprel 2021 22:21

Baxış: 2 882

#CƏMİYYƏT

Bir müddət öncə Milli Məclisin deputatı Siyavuş Novruzov Unikal.org-a açıqlamasında Daxili İşlər Nazirliyini məhkəməyə verəcəyini bildirmişdi. O, bu məsələdə geri addım atmayacağını, güzəştə getməyəcəyini, hətta Avropa Məhkəməsinə qədər gedəcəyini söyləmişdi.

Milli.Az unikal.org-a istinadən bildirir ki, amma S.Novruzov sonradan öz sözlərini inkar edərək, belə ifadə işlətmədiyini qeyd etdi. Millət vəkili növbəti açıqlamalarında Daxili İşlər Nazirliyini məhkəməyə vermək niyyətində olmadığını və jurnalistlərin yanlış məlumat yaydığını bildirmişdi.

Qeyd edək ki, Milli Məclisin Regional məsələlər komitəsinin sədri Siyavuş Novruzov karantin qaydalarını pozaraq Azərbaycan Milli Elmlər Akademiyasının (AMEA) Prezidenti Ramiz Mehdiyevin nəvəsinin toyunda iştirak etdiyinə görə DİN tərəfindən 400 manat cərimə olunmuşdu.

Oxucuların marağını nəzərə alaraq həmin açıqlamanın səs yazısını təqdim edirik:

Milli.Az