Siyasət

Solovyov yarınmaq istədi, ələ salındı - VİDEO - FOTO

23 Yanvar 2021 13:53

Baxış: 3 303

#DÜNYADA #SİYASƏT #RUSİYA

"Buzlu suda çimmək vəftizə istinad edən çirkli qəlbli insanların şüurun təmizləyə bilməz". Rusiya pravoslav kilsəsinin tarixində silinməz iz qoymuş mitropolit Filaretin bu sözləri indi xüsusi aktuallıq kəsb edir.

Yanvarda xaç suyuna salınma ayininin xatırlanması sayılan Vəftiz çimilməsi Rusiyada geniş yayılmış adətlərdən biridir. Məcburi deyil və pravoslav kilsəsi də bunu şərt bilmir.

Lakin ermənipərəst təbliğatçı, Rusiyanın federal "Rossiya 1" telekanalında ermənilərdən artıq erməni olmağa çalışan Vladimir Soloyov öz vücudunu buzlu suya salmağı zəruri sayıb.

Yəhudi Solovyovun belə "pravoslavlığı" sosial şəbəkədə məsxərə obyektinə çevrilib.

Xüsusilə də sol biləyinə kəndir bağlatdıran və suda boğulmaqdan qorxan Vladimir Rudolfoviçin soyuq suya düşməsi alleqoriyaya çevrilib.

Solovoy milli mənsubiyyət baxımından yəhudi olduğunu təkrarlayır. Özü də, deyəsən, ortodoksal yəhudidir: çünki başında və qolunda tfilinli fotoları var. Tfilin yəhudilərin səhər ibadətində istifadə etdikləri ayin atributudur.

Tfilin qutusunun içində Tövratdan iqtibasların olduğu perqament əlyazmaları var. Belə qutulardan biri sol ələ bağlanır, "qəlbə baxır". İkinci qutu isə alına bərkidilir.

Belədirsə, buzlu suda çimmək və bunu pravoslavlıq kimi qələmə vermək nəyə gərəkdir - bəlli deyil.

Deyəsən, Solovyovun əqidə, mövqe seçimi kimi, din seçimi də aldığı pulun məbləğindən asılıdır.

Orxan Hun
Milli.Az