Siyasət

Ermənistan monoetnik ölkədir, orada ermənilərdən başqa heç kim yoxdur - Alban-Udi Xristian dini icmasının sədri

16 Oktyabr 2020 17:24

Baxış: 792

#DAĞLIQ QARABAĞ MÜNAQİŞƏSİ

Biz Azərbaycanımıza, ordumuza dua edirik ki, onlar işğal olunmuş torpaqlarımızı işğaldan azad etsinlər. Biz Azərbaycan ordusunu dəstəkləyirik.

Milli.Az Trend-ə istinadən bildirir ki, bunu Alban-Udi Xristian dini icmasının sədri Robert Mobili deyib.

R.Mobili qeyd edib ki, ermənilərin işğal etdikləri torpaqlarda alban məbədləri də var, artıq bu torpaqların işğaldan azad edilməsinin vaxtıdır: "Ermənilər işğal edilmiş torpaqlarda tarixi abidələri dağıdırlar. Bu, onların siyasətidir. Ermənistan monoetnik ölkədir, orada ermənilərdən başqa heç kim yoxdur. Bu gün onlar Qarabağda da eyni şərait yaradır. Orada da ermənilərdən başqa heç kim yoxdur. Onlar Qarabağda bütün abidələri məhv edirlər. Bu, Ermənistanın vandalizm siyasətidir. O torpaqlar işğaldan azad edilməlidir, çünki ermənilərin bu cür vandalizmi bizim üçün çətindir.

Bu gün ermənilər istəyilər ki, Azərbaycanda digər xalqlar döyüşə getməsinlər. Ancaq onlar buna nail ola bilməyəcəklər. Bu gün cəbhədə bütün xalqlardan olan nümayəndələr var, biz öz ölkəmizi sevirik, yaşasın Azərbaycan!".

Milli.Az