Siyasət

Əfqanıstan Azərbaycanı dəstəklədi

28 Sentyabr 2020 17:37

Baxış: 1 993

#SİYASƏT #AZƏRBAYCAN #ƏFQANISTAN #DAĞLIQ QARABAĞ MÜNAQİŞƏSİ

Əfqanıstan İslam Respublikasının Xarici İşlər Nazirliyi, Dağlıq Qarabağ bölgəsində Ermənistanla Azərbaycan arasında davam edən şiddətli toqquşmalardan narahatlığını bildirib və yaralanan insan və maddi itkilərdən təəssüfləniyini ifadə edib.

Milli.Az interfax.az-a istinadən bildirir ki, Əfqanıstan Xarici İşlər Nazirliyinin saytında yayımlanan sənəddə "Dağlıq Qarabağ bölgəsi Azərbaycanın bir hissəsi olaraq beynəlxalq səviyyədə tanınmışdır. Əfqanıstan Dağlıq Qarabağın işğalına son qoyulmasını tələb edir, Azərbaycan xalqı və hökumətinin səylərini dəstəkləyir" yazılıb.

Əfqanıstan Xarici İşlər Nazirliyi "atəşkəsin bərpasına və bölgədəki uzun müddətdir davam edən böhranın sülh yolu ilə həllinə" çağırır.

Milli.Az