Siyasət

"Hüseynov qardaşları ermənilərdən alqış alırlar" - Araz Əlizadə

3 İyul 2020 22:35

Baxış: 4 199

#SİYASƏT

"Mən vaxtilə demişdim ki, Mehman Huseynov özünün çılpaq fotosunu sosial şəbəkələrdə paylaşanda yaxşı ki anasının şəkilini qoymayıb. Bu, o zaman böyük söz-söhbətə səbəb olmuşdu, rəhmətlik qadın barədə güya demişdim ki, "Onun lüt şəkilini qoymaq lazımdır".

Bunu Milli.Az-a açıqlamasında sabiq millət vəkili Araz Əlizadə bildirib. Onun fikrincə, bloqer Mehman Hüseynov Azərbaycana nifrət edir:

"O vaxt söyləmişdim ki, "yaxşı ki qoymayıb". Mənə demişdilər o qadın rəhmətə gedib, dedim "Bilmirəm, ona rəhmət düşür, yoxsa düşmür. Çünki o, çox pis övlad böyüdüb. İki övladı var, ikisi də Azərbaycan xalqına və Azərbaycan dövlətinə nifrət edirlər". Biri Azərbaycandan qaçıb, o biri burada tuği-lənət kimi qalıb. İndi isə məlum olur ki, onun anası erməni mənşəli imiş. Bu o deməkdir ki, anası əsl vətənpərvər hazırlayıb, amma ermənilər üçün...", - A.Əlizadə söyləyib.

A.Əlizadə daha sonra bildirib: "Mehman Hüseynovun və onun qardaşının yazdıqlarına, hərəkətlərinə baxanda bilirsən ki, bu insanlar Azərbaycan xalqına və Azərbaycan dövlətinə düşməndirlər. Onlar ermənilərin dəyirmanına su tökürlər, ermənilərdən alqış alırlar".

Tofiq Qarayev
Milli.Az