Siyasət

Mariya Zaxarova: Azərbaycanla Ermənistan arasında əsirlərin dəyişdirilməsi hər zaman gündəmdədir

14 May 2020 18:51

Baxış: 1 170

#DAĞLIQ QARABAĞ MÜNAQİŞƏSİ

Azərbaycanla Ermənistan arasında əsirlərin dəyişdirilməsi Dağlıq Qarabağ münaqişəsinin nizamlanmasında dair aparılan danışıqlarda hər zaman gündəmdədir.

Milli.Az Trend-ə istinadən bildirir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə deyib.

XİN rəsmisi bildirib ki, həbsdə olanların yaxın qohumları tərəfindən ziyarət edilməsi ilə bağlı ötən il Moskvada qərar qəbul edilib: "ATƏT-in Minsk Qrupunun həmsədrlərinin vasitəçiliyi ilə digər həbsdə olanların taleyi ilə bağlı məsləhətləşmələr davam etdirilir. Biz bunu diqqətdə saxlayacağıq".

Xatırladaq ki, Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Yerevanın girov saxladığı azərbaycanlıların "hamının hamıya" prinsipi ilə dəyişdirilməsinə rəsmi Bakının hazır olduğunu bildirib.

Milli.Az