Siyasət

"Bu çətin günlərdə bir çox ölkələrin öz vətəndaşlarına göstərmədiyi qayğını Siz Azərbaycan vətəndaşlarına göstərirsiniz" - Gənc vətəndaş Prezident İlham Əliyevə minnətdarlıq edib

21 Aprel 2020 12:56

Baxış: 916

#SİYASƏT

Bu çətin günlərdə bir çox ölkələrin öz vətəndaşlarına göstərmədiyi qayğını Siz Azərbaycan vətəndaşlarına göstərirsiniz.

Milli.Az Trend-ə istinadla xəbər verir ki, bu barədə koronavirus pandemiyasının Azərbaycanda geniş yayılmasının qarşısının alınması istiqamətində atdığı qətiyyətli addımlara, xalqımıza göstərdiyi diqqət və qayğıya görə Masallı rayonu sakini, gənc vətəndaş Şəhriyar Cəfərlinin Prezident İlham Əliyevə təşəkkür məktubunda qeyd edilib.

Şəhriyar Cəfərlinin məktubunda qeyd edilir:

"Hörmətli cənab Prezident.

Sizə bu məktubu yazmaqda məqsədim Azərbaycanın bir gənc vətəndaşı olaraq, Sizə minnətdarlıq etməkdir.

Dünyanın bu çətin vəziyyətində bizə öz qayğınızı əsirgəmirsiniz. Bu çətin günlərdə bir çox ölkələrin öz vətəndaşlarına göstərmədiyi qayğını Siz Azərbaycan vətəndaşlarına göstərirsiniz.

Bunun üçün atam həmişə bizə "Azərbaycanlı olduğunuz üçün özünüzlə fəxr edin" deyir. Bu sevgi və qayğını bizə Siz bəxş etmisiniz. Siz heç zaman heç bir vətəndaşı yaddan çıxarmırsınız, biz tələbələrə də öz qayğınızı göstərirsiniz.

Sizə öz adımdan və ailə üzvlərim adından dərin təşəkkürümü bildirirəm. Allah Sizdən razı olsun".

Milli.Az