Siyasət

MSK DSK-nın qərarını ləğv edib

17 Yanvar 2020 16:06

0 Şərh Baxış: 1 501

#SİYASƏT #SEÇKİLƏR

Mərkəzi Seçki Komissiyası (MSK) deputatlığa namizədin qeydə alınmaması ilə bağlı dairə seçki komissiyasının (DSK) qərarını ləğv edib.

Milli.Az Trend-ə istinadən bildirir ki, MSK-nın bu gün keçirilən iclasında 13 saylı Xəzər-Pirallahı seçki dairəsindən namizədliyini irəli sürmüş Müsavat partiyasının üzvü Nəsirov Niyaz Eynulla oğlunun müraciətinə baxılıb.

Bildirilib ki, namizəd sənədləri DSK-ya vaxtında təqdim edib və onun namizədliyinin qeydə alınmaması üçün heç bir əsas yoxdur, sadəcə, DSK namizədin qeydə alınmaması ilə bağlı qərarı namizədə verməyib. Bunu onunla əsaslandırıb ki, iş qrafiki gərgin olub və namizədi qeydə ala bilməyib.

Daha sonra DSK-nın qərarı ləğv edilib və Nəsirov Niyaz Eynulla oğlunun namizədliyi qeydə alınıb.

Milli.Az