Siyasət

Parlament seçkilərində iştirak üçün müraciət edən partiyaların sayı 11-ə çatıb

17 Dekabr 2019 16:57

Baxış: 618

#SİYASƏT

Azərbaycanda fevralın 9-a təyin edilmş növbədənkənar parlament seçkilərində iştirak etmək üçün müraciət edən siyasi partiyaların sayı 11-ə çatıb.

Milli.Az Trend-ə istinadən xəbər verir ki, Mərkəzi Seçki Komissiyasının bu gün keçirilən iclasında daha iki partiyanın - Vahid Azərbaycan Partiyasının və "Ana Vətən" Partiyasının səlahiyyətli nümayəndələri qeydə alınıb.

Qeyd edək ki, bundan əvvəl 9 siyasi partiyanın - Yeni Azərbaycan Partiyasının, Ümid Partiyasının, Vətəndaş Həmrəyliyi Partiyasının, Böyük Quruluş Partiyası, Bütöv Azərbaycan Xalq Cəbhəsi Partiyası, Milli Dirçəliş Hərəkatı Partiyası, Azərbaycan Milli İstiqlal Partiyası, Azərbaycan Demokrat Partiyası, Böyük Azərbaycan Partiyasının səlahiyyətli nümayəndələri qeydə alınmışdı.

Milli.Az