Siyasət

Tural Gəncəliyev: "Dağlıq Qarabağdakı "qanunsuz" seçkilər xunta rejiminin düşdüyü çıxılmaz vəziyyətin göstəricisidir"

13 Sentyabr 2019 19:44
Baxış: 344

Dağlıq Qarabağdakı "qanunsuz" seçkilər xunta rejiminin düşdüyü çıxılmaz vəziyyətin göstəricisidir.

Milli.Az Trend-ə istinadən bildirir ki, bunu jurnalistlərə açıqlamasında Dağlıq Qarabağ bölgəsinin azərbaycanlı icmasının (DQBAİ) rəhbəri Tural Gəncəliyev deyib.

Onun sözlərinə görə, saxta "seçkilər" həmçinin Ermənistan hakimiyyəti və qondarma rejim arasında ixtilafların mövcudluğunu bir daha açıq şəkildə büruzə verir: "Bununla bağlı Dağlıq Qarabağda qanunsuz "seçkilər" keçirir, bir-iki nəfər xarici ölkədən olan deputat və nümayəndələri Dağlıq Qarabağa gətirməklə şou yaradırlar. Bu, yalnız təxribat xarakterli hərəkətlərdir, xunta rejiminin düşdüyü çıxılmaz vəziyyətin göstəricisidir. Onlar çaba altında olan erməni icmasından alət kimi istifadə etməklə belə təxribatlara əl atırlar. Bu təxribatların isə heç bir nəticəsi olmayacaq. Dağlıq Qarabağa səfər edən həmin nümayəndələrə biz öz tərəfimizdən bəyanatlar veririk, onları həmin səfərdən çəkindirməyə çağırırıq. Təbii ki bu səfərlərin heç bir hüquqi əsası yoxdur".

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.