Siyasət

Gürcüstandakı prezident seçkiləri ilə bağlı Azərbaycanda 3 seçki məntəqəsi açılacaq

22 Noyabr 2018 13:11
0 Şərh     Baxış: 909

Gürcüstanda noyabrın 28-də keçiriləcək prezident seçkilərinin ikinci turu ilə bağlı Azərbaycanda üç seçki məntəqəsi yaradılacaq.

Milli.Az report-a istinadən xəbər verir ki, bu barədə Gürcüstan Mərkəzi Seçki Komissiyası (MSK) məlumat yayıb.

4, 5 və 6 saylı seçki məntəqələri Gürcüstanın Azərbaycandakı səfirliyində açılacaq. Seçki məntəqələri yerli vaxtla səhər saat 08:00-dan axşam 24:00-a qədər fəaliyyət göstərəcək.

Bildirilib ki, Azərbaycanda 7700 Gürcüstan vətəndaşı konsulluq qeydiyyatındadır. Gürcüstan MSK ölkə xaricində ümumilikdə, 58 seçki məntəqəsi yaradacaq.

Qeyd edək ki, prezident seçkilərinin ikinci turunda mübarizə hakim Gürcü Arzusu Partiyasının dəstəklədiyi müstəqil namizəd Salome Zurabişvili və Vahid Milli Hərəkat Partiyasının namizədi Qriqol Vaşadze arasında gedəcək. Gürcüstanın yeni prezidenti sonuncu dəfə birbaşa səsvermə yolu ilə 6 il müddətinə seçiləcək. 

Milli.Az

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.