Siyasət

Azərbaycanın BMT-dəki nümayəndəliyi erməni diplomata cavab verdi

29 Mart 2010 18:22
Baxış: 148
Azərbaycanın Xarici İşlər Nazirliyindən Milli.Az xəbər portalına daxil olan məktubda Ermənistan Silahlı Qüvvələri tərəfindən dinc sakinlərə qarşı törədilmiş amansızlıqlar, dəhşətli faciənin şahidi olmuş xarici KİV nümayəndələrinin və qırğında iştirak etmiş erməni hərbçilərinin, ziyalılarının fikirləri öz əksini tapıb. Sənəddə deyilir ki, erməni tərəfi Xocalıda sakinlərin qəddarcasına qətlinə görə məsuliyyətinin məhz Ermənistanın üzərində olması barədə çoxsaylı müstəqil mənbələr və faciə şahidləri tərəfindən təsdiqlənməsi faktını qulaqardına vurur: "Ermənistanın daimi nümayəndəsi bu ölkənin o vaxtkı müdafiə naziri, hazırkı prezidenti Serj Sarkisyanın Xocalı sakinlərinin qırılmasına görə məsuliyyəti etiraf etməsini dəqiqləşdirmir".

Məktubda bildirilir ki, Dağlıq Qarabağ və ətraf rayonların işğalı, işğal edilmiş ərazilərdə etnik təmizləmə beynəlxalq səviyyədə  Ermənistanın beynəlxalq hüquq üzrə öhdəlikləri pozması kimi qiymətləndirilsə də, erməni təbliğatı təcavüzü "Dağlıq Qarabağ əhalisinin öz müqəddəratını təyinetmə hüququnu tələb etməsi" kimi qələmə verir: "Azərbaycan Respublikasının hökuməti dəfələrlə bəyan edib və mən bir daha bildirməyə vəkil edilmişəm ki, öz müqəddəratını təyinetmə prinsipi ilə bağlı Ermənistanın iddiaları beynəlxaq hüquqa ziddir".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.