Siyasət

Metyu Brayza, əleyhinə aparılan kampaniyaya münasibət bildirdi

8 Aprel 2011 15:36
Baxış: 113
Bunu APA-ya açıqlamasında Metyu Brayza ABŞ-dakı erməni diasporunun onun Azərbaycanda səfir təyin olunmasına qarşı növbəti kampaniyaya başlayacağı barədə erməni mətbuatının yaydığı məlumatlara münasibət bildirərkən deyib.

Səfir, erməni diaspor nümayəndələrinin onun barəsində səsləndirdiyi fikirlərin yanlış olduğunu da bildirib. "Mənim barəmdə yazılanlar düzgün deyil. Amma hər adamın öz mövqeyini bildirmək haqqı var".

Azərbaycana səfir təyin olunması ilə bağlı ABŞ Senatında dinləmələrin nə zaman keçiriləcəyi barədə suala cavabında isə Metyu Brayza bu barədə məlumatı olmadığını deyib: "Mənim üçün əsas odur ki, orada çıxış etmək və özümü müdafiə etmək imkanım var".

Xatırladaq ki, 2010-cu il dekabrın 30-da ABŞ prezidenti Barak Obama Konqresin tətildə olduğu bir vaxtda səlahiyyətlərindən istifadə edərək, Azərbaycan da daxil olmaqla, 6 ölkəyə səfir təyin edib. Prezidentin sərəncamına əsasən, səfirlər Senatın təsdiqinə ehtiyac qalmadan vəzifələrinin icrasına başlaya bilirlər. Lakin Senat Konqresin növbəti sessiyasının sonuna qədər (2011-ci ilin noyabr-dekabr ayları) səfirləri təsdiqləməsə, prezidentin sərəncamı öz qüvvəsini itirəcək.

Metyu Brayza fevralın 17-də etimadnaməsini Azərbaycan Prezidentinə təqdim edərək, səfir kimi vəzifəsinin icrasına başlayıb.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.