Siyasət

Dominikanda "Azərbaycanda seçkilər" adlı məqalə dərc olundu

15 Noyabr 2013 12:23
Baxış: 698
#DOMİNİCAN REPUBLİC
Dominikan Respublikasının "Vision Dominicana" elektron jurnalında "Azərbaycanda seçkilər" adlı məqalə dərc olunub.

Trend-in məlumatına görə, məqalənin müəllifi Manolo Piçardo Latın Amerika və Karib Hövzəsi Siyasi Partiyaların Daimi Nümayəndəliyindən (COPPPAL) müşahidəçi kimi oktyabrın 9-da Azərbaycanda keçirilən prezident seçkilərini müşahidə edib: "Biz müxalifət namizədlərini dinləmək və seçkiqabağı mühiti öyrənmək üçün şəhərdə olduq".

M.Piçardonun sözlərinə görə, küçələrdə seçki reklam kampaniyaları yox idi və yalnız seçki oqranları tərəfindən müəyyən olunmuş yerlərdə təbliğat aparıla bilərdi: "Biz ora çatdığımız vaxtda artıq seçki kampaniyası qurtarmışdı və qoyulan qaydalara əməl edilirdi. Prezidentliyə namizədlərdən biri mənə dedi ki, "bu ölkə belə qaydalara və intizama vərdiş edib".

Məqalə müəllifinin sözlərinə görə, seçki günündə qutular açılmazdan əvvəl nümayəndə heyəti seçkiləri müşahidə etmək üçün qruplara bölündü: "İlk saatlarda seçicilərin iştirakı az olsa da, daha sonra seçki məntəqələri önündə səs verməyə gələn insaların sayı artmağa başladı. Hər bir məntəqədə seçki rəsmilərinin və partiya nümayəndələrinin qarşısında şəffaf seçki sandıqları yerləşdirilmişdi".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.