Siyasət

Ağ Ev: Sammit “üçün üçə” formatında keçiriləcək - FOTO

15 Avqust 2025 22:43

Baxış: 1 532

#ABŞ

Ağ Evə görə, ABŞ Prezidenti Donald Tramp ilə Rusiya Prezidenti Vladimir Putin arasında əvvəlcədən planlaşdırılan təkbətək görüş indi hər iki tərəfin müşavirlərinin iştirakı ilə keçiriləcək.

Mətbuat katibi Karolin Leavitt "Air Force One" təyyarəsində jurnalistlərə bildirib ki, danışıqların ikitərəfli hissəsində Trampa Dövlət katibi Marko Rubio və xüsusi elçi Stiv Vitkoff da qoşulacaq.

Leavitt bu həftənin əvvəlində liderlərin təkbətək görüşəcəyini demişdi, lakin planların niyə dəyişdiyi dərhal aydın olmayıb.

Sammitin ikitərəfli hissəsindən sonra nümayəndə heyətləri naharda görüşəcək. Nahara Rubio, Vitkoff, Xəzinədarlıq katibi Skott Bessent, Ticarət naziri Hovard Lutnik, Müdafiə naziri Pit Hegset və aparat rəhbəri Syuzi Vaylsın da qatılacağı gözlənilir.

Lalə Qüdrətova
Milli.Az