Siyasət

Avropa Parlamentində yoxlama - Ənənəvi problem...

30 May 2024 13:25
Baxış: 443

Avropa Parlamenti ilə bağlı ənənəvi, artıq qeyri-adi olmayan iddialar səslənməkdədir. "Politico" nəşrinin yazdığına görə, Avropa Parlamentində reyd keçirilir. Reydlər rüşvət iddiaları ilə bağlıdır. Nəşrin məlumatında qeyd olunub ki, parlament üzvlərindən bəziləri külli miqdarda pul qarşılığında Rusiyanın təsiri altında fəaliyyət göstərir.

Rüşvət qalmaqal "Voice of Europe" nəşri ilə bağlıdır. Rusiyanın təbliğat maşını kimi təqdim olunan "Avropanın səsi"nin bəzi siyasətçilərə qanunsuz pul köçürülməsi üçün istifadə olunduğu iddia edilir. Deyilənlərə görə, Praqada keçirilən görüşlər zamanı yüz minlərlə avro nağd pul şəklində və ya kriptovalyuta kanalları vasitəsilə köçürülüb. "Avropanın Səsi"nin bu kimi fəaliyyətinə birbaşa nəzarət etməkdə Ukraynada rusiyayönlü telekanalın keçmiş prodüseri Artem Marçevski ittiham olunur.

Avropa Parlamentində rüşvət qalmalı ilk hal olmadığına görə heç də təəccüblü görünmür. Çünki, artıq  Aİ-də, eləcə də AP-də korrupsiya kök salıb və dərinləşib. Avropa Parlamentinin təsir altına düşən nümayəndələrinin zərərini görən ölkələrdən biri də Azərbaycandır. Belə ki, AP-də fəaliyyət göstərən anti-Azərbaycan qrupu da bu şəbəkənin içindədir. Onlar da Ermənistana dəstək əldə etmək istəyən, həmçinin qanunsuz biznes fəaliyyətini davam etdirmək niyyətində olan erməni oliqarxlardan, mafiya başçılarından külli miqdarda rüşvət qəbul edirlər. Onlardan biri erməni mafiyasının Belçikadakı əsas siması Kaspar Karampetyandır.

Xatırladım ki, 2022-ci ilin dekabrın 9-da Avropa Parlamenti (AP) olduqca ağır bir korrupsiya qalmaqalı ilə üz-üzə qalıb. Dünyada beynəlxalq anti-korrupsiya gününün qeyd edildiyi bu tarixdə Belçika polisi AP-də fəaliyyət göstərən korrupsiya şəbəkəsini ifşa edərək onun bir neçə üzvünü həbs edib. Saxlanılanlar arasında AP-nin vitse-prezidenti, yunanıstanlı deputat Eva Kailinin olması isə sensasiya yaradıb. Belçikanın federal müstəntiqləri Kaili də daxil olmaqla, saxlanılanları rüşvət qismində külli miqdarda pul və müxtəlif bahalı hədiyyələr almaqla körfəz ölkələrindən birinin (Qərb mediası daha sonra bu ölkənin Qətər olduğu açıqladı) xeyrinə qanunsuz lobbiçilik etməkdə, AP-də qəbul edilən qərarlara təsir etməyə çalışmaqda ittiham edib. İşlə əlaqədar Brüsseldəki 16 müxtəlif nöqtədə həyata keçirilmiş axtarışlar nəticəsində 600 min avro nağd pul aşkarlanıb. Son bir həftə ərzində aparılan axtarışlar zamanı isə çamadan və portfellərdə 1,5 milyon avrodan çox nağd pul tapılıb. Müstəntiqlər bildiriblər ki, sözügedən korrupsiya şəbəkəsi bir neçə aydır, həmin Körfəz ölkəsinin xeyrinə AP-nin müxtəlif iqtisadi və siyasi qərarlarına təsir etməyə çalışıb.

İslam
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.