Siyasət

İranla Azərbaycan münasibətlərində yeni səhifə açılıb – İran səfiri

19 May 2024 12:49
Baxış: 923

İran və Azərbaycan prezidentlərinin iki ölkənin dövlət sərhədində görüşü ilə iki qonşu ölkənin münasibətlərində yeni səhifə açılıb.

Milli.Az Trend-ə istinadən xəbər verir ki, bunu İranın Azərbaycandakı səfiri Seyid Abbas Musəvi özünün "X"-dəki səhifəsində yazıb.

"Fəxr edirəm ki, diplomatik missiyamın son günündə İran və Azərbaycan prezidentlərinin iştirakı ilə su diplomatiyasının uğurlu örnəyi olaraq ölkənin ən böyük sərhəd proyekti Xudafərin və Qız Qalası müştərək hidroqovşaqları istifadəyə verildi", - deyə o bildirib.

Qeyd edək ki, hazırda Azərbaycan Respublikası Prezidenti İlham Əliyevin və İran İslam Respublikası Prezidenti Seyid İbrahim Rəisinin iştirakı ilə Araz çayı üzərində inşa edilmiş "Xudafərin" hidroqovşağının istismara verilməsi və "Qız Qalası" hidroqovşağının açılış mərasimi keçirilir.

Milli.Az
Xəbərlərimizi WhatsApp kanalımızdan da oxuyun

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.