Siyasət

Ermənistan odla oynayır - Obreynin səfər öncəsi təxribat...

5 Dekabr 2023 14:24
Baxış: 1 402

Rəsmi Bakının təkzib etməsinə baxmayaraq, Ermənistan sərhəddə ölən əsgərin Azərbaycan tərəfindən vurulduğunu iddia edir. Maraqlıdır ki, erməni əsgərin vurulması xəbəri ilk yayılanda İrəvanın rəsmi açıqlaması "dəqiqləşdirmə" yönündə idi, daha sonra Bakı ittiham edildi. Halbuki, sərhəd toqquşmalarında belə "dəqiqləşdirmə" təcrübəsi olmayıb.

Milli.Az bildirir ki, bu barədə siyasi şərhçi Asif Nərimanlı qeyd edib.

Bəllidir ki, Ermənistan bu və ya digər səbəbdən ölən hərbçisinin cəsədindən siyasi məqsədlər üçün istifadə etmək niyyətindədir. Və bu situasiya sərhəddə gözlənilən "gərginlik oyununun" başlana biləcəyi ehtimalını da ön plana çıxarır.
Burada xüsusilə diqqətçəkən iki məqam var:

Birincisi, Avropa İttifaqının xüsusi nümayəndəsi Tovio Klaarın Bakının təkzib etməsinə rəğmən, Ermənistan tərəfinın iddiasına istinadən sərgilədiyi mövqedir;
İkincisi, Azərbaycana qarşı "erməni əsgərin öldürülməsi" ittihamının ABŞ dövlət katibinin köməkçisi Ceyms Obreynin Bakıya səfərindən öncə gündəmə gətirilməsidir;

Obreynin Bakıya gətirən səbəblərdən biri Azərbaycanı sülh danışıqlarının Qərb platformalarında aparılmasına, xüsusilə kommunikasiyanın İrəvanın "sülhün kəsişməsi" layihəsinə uyğun açılmasına razı salmaqdır. Müzakirələrdən öncə "Azərbaycan atəş açıb ittihamı"nın irəli sürülməsi və Aİ-nin bunu dəstəkləməsi də "Bakı razı olmayacağı təqdirdə, sərhəd gərginliyi üzərindən təzyiqlə üzləşəcəyi" haqda mesaj xarakteri daşıya bilər.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.