Siyasət

Onların təxribatları antiterror tədbirlərini vacib etdi - Deputat

19 Sentyabr 2023 19:13
Baxış: 1 052

Ermənilərin növbəti dəfə törətdikləri terror və 7 zabitimizin həlak olması artıq bütün səbrimizi daşırdı. Ona görə də anti-terror tədbirlərinə başlamaqdan savayı çarə yoxdur. Ermənistanın törətdiyi davamlı təxribatlar, üçtərəfli bəyanata əməl etməməsi, hələ də ərazilərimizdə terrorçu qrupları dəstəkləməsi, qeyri-qanuni silahlı dəstələr saxlaması lokal antiterror tədbirlərinin görülməsini zərurətə çevirmişdi. Bu vəziyyətin yaranmasında bütün məsuliyyət Ermənistanın üzərinə düşür.

Bunu Trend-ə Milli Məclisin deputatı Elşən Musayev deyib.

O qeyd edib ki, Azərbaycanın antiterror tədbirləri başlaması tamamilə adekvat reaksiyadır.

"Başlamalıydıq və başladıq. Bundan sonra kimsə, hansısa vasitəçi bizim qarşımızı kəsə bilməz. Qisasımız ağır olacaq. Azərbaycan Ordusunun cavabı gecikməyəcək. Erməni terrorçular layiqli "dərs"ini çox tezliklə alacaqlar. Buna hər kəs əmin olsun!

Yaramaz ermənilərin nə kişi kimi döyüşməkləri var, nə də adam balası kimi sülhə gəlməkləri. Ancaq təxribat və terror. Başqa bildikləri şey yoxdur. Ona görə də artıq düşünüləsi, gözləyəsi nəsə qalmayıb. Belələri heç vaxt düzələsi deyil. Belələrinin xisləti heç zaman dəyişəsi deyil. Belələri "dəmir yumruğu" yenidən görmədən, hiss etmədən sakitləşəsi deyil. Belələrini mədəni şəkildə islah etmək mümkün deyil. Belələrinin başı növbəti dəfə əzilməlidir ki, kiminlə uğraşdıqlarını, baş-başa gəldiklərini dərk etsinlər", - deyə deputat əlavə edib.

Qeyd edək ki, üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.

Xatırladaq ki, sentyabrın 19-da səhər saat 4 radələrində yeni inşa edilən Əhmədbəyli-Füzuli-Şuşa avtomobil yolunun 58-ci kilometrliyində Azərbaycan Avtomobil Yolları Dövlət Agentliyinə (AAYDA) məxsus və sözügedən yolda çalışan "Howo" markalı yük maşını tank əleyhinə minaya düşüb. Nəticədə agentliyin 2 əməkdaşı - 21.11.1970-ci il təvəllüdlü Sadıxov Samir Sabiroviç və 02.05.1965-ci il təvəllüdlü Quliyev Fərhad Hüseynağa oğlu həlak olublar. Eyni gündə, qeyd edilən terrorun baş verdiyi əraziyə yola düşən Daxili İşlər Nazirliyinin 4 əməkdaşı - 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində - Xocavənd rayonunun Tağaverd kəndi ərazisində yeni inşa olunan tunel yolunda minaya düşərək həlak olublar.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.