Siyasət

Quranı yandıran siyasətçi ilk dəfə danışdı: "Qorxuram"

24 Yanvar 2023 08:10

Baxış: 1 150

#DÜNYADA

"Bunu siyasi səbəblərdən etdim. Bu qədər insanın məni öldürmək istədiyini görəndə kədərləndim".

Milli.Az teleqraf.com-a istinadən bildirir ki, bu sözləri Türkiyənin İsveçdəki səfirliyi yaxınlığında Qurani-Kərimi yandıran İsveç və Danimarka vətəndaşı Rasmus Paludan deyib.

"Müqəddəs mətni yandırdıqdan sonra dedim: yaxşı, belədir. Amma düşündüyüm kimi olmadı. Bu qədər insanın məni öldürmək istədiyini görəndə kədərləndim", - siyasətçi qeyd edib.

Əvvəllər də oxşar hərəkətlər edən Paludan əlavə edib ki, keçmişlə müqayisədə indi daha çox təhdidlər var: "Hazırda yaşadıqlarım əvvəlkilərə bənzəmir. Daha ciddi təhlükələr gəlir. Sosial şəbəkələrdə dəqiqədə 20 mesaj alıram və onlardan 5-i təhdiddir. Bəli, qorxuram, çünki kiminsə məni öldürəcəyini deyiblər. Bu hərəkətlə İsveçin NATO-ya üzvlüyü arasında heç bir əlaqə yoxdur".

Milli.Az