Siyasət

"Rusiya, səni lənətə gələsən!" - oğlu həlak olmuş ananın fəryadı - FOTO

14 Yanvar 2023 20:21

Baxış: 4 425

#RUSİYA-UKRAYNA MÜHARİBƏSİ

Bu gün səhər saatlarında Rusiya qoşunları Ukraynanın Dnepr şəhərini raketlərlə və İran istehsalı olan "Shahed 131" kamikadze PUA-ları ilə atəşə tutub.

Milli.Az bildirir ki, zərbələrdən birinrin dəydiyi doqquzmərtəbəli yaşayış binasının bir bloku tamamən uçub. Ən azı 27 nəfər yaralanıb, 5 nəfər həlak olub.

Dnepropetrovsk vilayət dövlət administrasiyasının rəhbəri Valentin Rezniçenkonun dediyinə görə, yaralıların hamısı xəstəxanalardadır.

Dnepr şəhərinin meri Boris Filatov bildirib ki, Rusiyanın zərbələri nəticəsində şəhərin böyük hissəsi elektroenerji təminatından məhrum olub.

Dağılan binadakı mənzillərdən birinin sakini, oğlu həlak olmuş 52 yaşlı qadın isə ağlayaraq deyib: "Rusiya, sənr qatilsən! Rusiya, səni lənətə gələsən!"

Milli.Az