Siyasət

Azərbaycan əleyhinə açıqlamalar verən ekspert Universitetdən qovuldu

18 Dekabr 2022 12:57
Baxış: 1 790

Azərbaycan əleyhinə açıqlamalar verən rusiyalı ekspert çalışdığı Moskva Dövlət Beynəlxalq Münasibətlər Universitetindən (MDBMİ) qovulub.

Bu barədə MDBMİ-nin bəyanatında bildirilib.

Qeyd olunub ki, Mixail Aleksandrovun bəyanatlarının əsassız aqressivliyi və açıq-aşkar qeyri-peşəkarlığı xarici siyasət ictimaiyyətinin son dərəcə sərt mənfi reaksiyasına, MDBMİ-lilərin qəzəbinə səbəb olub. Universitetin imicinə və maraqlarına ciddi zərbə vurulub.

"Rusiya telekanallarından birinin efirində universitetin Hərbi-Siyasi Araşdırmalar Mərkəzinin aparıcı eksperti vəzifəsini tutan Mixail Aleksandrov müttəfiqə xələl gətirən açıqlamalar verib. Aleksandrovun bəyanatlarının əsassız aqressivliyi və açıq-aşkar qeyri-peşəkarlığı xarici siyasət ictimaiyyətinin son dərəcə sərt mənfi reaksiyasına və MDBMİ komandasının qəzəbinə səbəb oldu. Universitetin imicinə və maraqlarına ciddi zərbə vuruldu.

Aleksandrovun hərəkətlərinin MDBMİ əməkdaşı statusuna uyğun gəlməməsi, habelə Aleksandrovun xidməti vəzifələrinə həddindən artıq laqeyd yanaşması ilə bağlı müəyyən edilmiş faktlar əsasında rektor əmək münasibətlərinə xitam verilməsi və M. Aleksandrovun universitetdən xaric edilməsi haqqında əmr imzalayıb" deyə MDBMİ-nin yaydığı məlumatda bildirilib.

Qeyd edək ki, M.Aleksandrov Rusarminfo internet telekanalının efirində Laçın yolunda Azərbaycan ekoloqlarının dinc aksiyasını şərh edərkən Azərbaycan əleyhinə açıqlamalar verib. Açıq-aşkar düşmənçilik bəyanatları səsləndirən "ekspert" bildirib ki, Rusiya Bakının neft strukturuna zərbə endirməlidir.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.