Siyasət

Doğma yurdumuza qayıtmağı səbirsizliklə gözləyirik - Laçın sakini

1 Dekabr 2022 11:26
Baxış: 667

Doğma yurdum Laçın işğaldan azad ediləndə sevincimin həddi-hüdudu yox idi.

Bunu Trend-ə Laçın rayon sakini Türkay Kamalov bildirib.

O bildirib ki, böyüyüb boya-başa çatdığı yerlərə qayıdacağı günü səbirsizliklə gözləyir.

"Kadrlara baxırdım evlər, qəbiristanlıqlar dağıdılıb. Laçının videolarını evdə ağlayaraq izləyirdik. Hamı göz yaşı tökürdü. İndi isə sevinc göz yaşları tökürük. Məcburi köçkünlük illərində çox çətinliklər çəkmişik, lakin ən böyük çətinliyimiz yurd həsrəti, Laçından ayrı düşmək idi. Laçınlılar illərdir həsrətində olduqları torpaqlara dönəcəkləri günü səbirsizliklə gözləyir, doğma yurdlarına qayıdandan sonra görəcəkləri işlərlə bağlı xəyallar, planlar qururlar. Vətən torpağının hər qarışı gözəldir, amma mənim üçün Laçının bənzəri yoxdur. Bu sevinci bizə yaşatdığına görə Azərbaycan Ordusuna minnətdarlığımı bildirirəm. Allahdan şəhidlərimizə rəhmət, qazilərimizə rəhmət diləyirəm", - deyə o qeyd edib.

Qeyd edək ki, bu gün Azərbaycanın Laçın rayonunun erməni işğalından azad edilməsindən iki il ötür.

Trend xəbər verir ki, Azərbaycan Prezidenti İlham Əliyev, Rusiya Prezidenti Vladimir Putin və Ermənistanın baş naziri Nikol Paşinyanın imzaladığı 10 noyabr tarixli üçtərəfli bəyanata əsasən, Laçın rayonu dekabrın 1-də Azərbaycana qaytarılıb.

Milli.Az

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics