Siyasət

Rusiya Qarabağdan çıxmaq istəmir: Fransa isə Azərbaycana qoşun yeritmək fikrində

22 Noyabr 2022 12:15
Baxış: 5 038

"İstənilən müharibə danışıqlarla bitir. Necə ki, 1945-ci ilin mayında admiral Karl Dönitz ilə danışıqlar Avropada İkinci Dünya Müharibəsinə son qoydu".

Bunu Milli.Az-a açıqlamasında Gürcüstan Strateji Araşdırmalar Mərkəzinin rəhbəri Qela Vasadze deyib.

O bildirib ki, Krımın yaxın gələcəkdə Ukrayna tərəfindən geri qaytarılması real deyil:

"Ukrayna rəhbərliyinin çox mülayim tələbləri var. Müharibə cinayətkarlarının cəzalandırılması ilə öz ərazisinin işğaldan azad edilməsi və dəymiş ziyanın ödənilməsi minimum tələblərdir. Əgər Ukrayna güzgü tələblərini irəli sürsəydi, söhbət Rusiya Federasiyasının dövlət qurumu kimi məhv edilməsindən gedir. Amma qeyd edək ki, Ukrayna belə tələblər irəli sürmür.

Ukraynanın iki həftə ərzində çətin ki, Krımı azad edə biləcəyini söyləyən amerikalı mütəxəsislər eyni zamanda bildiriblər ki, Rusiya Federasiyası Ukraynanı heç vaxt ələ keçirə bilməyəcək. Ancaq əgər bir il əvvəl Amerika iki həftə ərzində Krımın azad edilməsindən danışmağa başlasaydı, vəziyyət tamam başqa cür ola bilərdi. İndi isə xüsusi bir şey yoxdur, bu xəbər Moskvaya ancaq nikbinlik verir.

Bu arada Tbilisdə Bakı ilə İrəvan arasında sülh müqaviləsinin imzalanmasının mümkünlüyü barədə israrlı söhbətlər gedir. Ümumiyyətlə, bu mövzuda söhbətlər artıq sarkazm halına gəlir - Vaşinqton və Brüsselin fəaliyyəti dərhal yaxın gələcəkdə sülhün imzalanmasına səbəb olur, Moskva və Parisin fəallığı isə bunun əksinə olaraq prosesi ləngidir.

Burada isə hər şey sadədir, dövlətlərə və Aİ-yə regionda sabitlik üçün ən azı müəyyən təminat lazımdır. Məqsəd isə gün kimi aydındır: ruslar (sülhməramlı kontingenti) Qarabağı tərk etmək istəmirlər, fransızlar isə bura gəlmək istəyirlər. Beləliklə, sülh müqaviləsi məsələsi Nyutonun binomialı deyil, baxmayaraq ki, Nyutonun binomialında da mürəkkəb bir şey yoxdur".

Təhməz Əsədov
Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics