Siyasət

Belarusa gedən rusiyalıları qatardan düşürüb geri qaytardılar

27 Sentyabr 2022 23:53

Baxış: 1 824

#RUSİYA-UKRAYNA MÜHARİBƏSİ

Rusiyanın Sankt-Peterburq şəhərindən Belarusa qatarla gedən beş rusiyalı "səfərbərlik haqqında" qanuna görə ölkədən buraxılmayıb.

Bu barədə qadağa qoyulan şəxslərdən biri deyib:

"Qatardan dörd nəfəri çıxardılar, sərhədçilər onların hər birinin adını və yerini bilirdilər".

Hərbi kafedranı bitirdiyini, lakin orduda xidmət etmədiyini deyən həmin şəxs bildirib ki, əvvəlcə Minskə, oradan da İstanbula gedəcəkmiş.

Amma onu Belarusla sərhəddən əvvəl, Nevel-2 dəmiryolu stansiyasında qatardan düşürüblər.

Rusiyalıların beşinə də səfərbərlik haqqında qanun əsasında səyahətin qadağan olunduğu barədə bildirişlər verilib.

Sənəddə deyilir ki, dəqiqləşdirmə üçün qeydiyyat yerindəki hərbi komissarlığa müraciət etmək lazımdır.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ