Siyasət

Ermənistan hələ də danışıqların imitasiyası praktikasından istifadə edir - Ceyhun Bayramov

25 Sentyabr 2022 00:27
Baxış: 1 577

Azərbaycan regional sülh, sabitlik və inkişafa sadiqdir.

Bunu Azərbaycanın xarici işlər naziri Ceyhun Bayramov Nyu-Yorkda BMT Baş Assambleyasının 77-ci sessiyasında çıxışı zamanı deyib.

Onun sözlərinə görə, Azərbaycan və Ermənistan arasında mehriban qonşuluq münasibətlərinin inkişafı Cənubi Qafqazda sülhün açarıdır.

"Azərbaycan işğaldan azad edilmiş ərazilərin inkişafı ilə eyni vaxtda Ermənistanla iki ölkənin sərhədləri daxilində ərazi bütövlüyü və müstəqilliyinə qarşılıqlı hörmət əsasında münasibətlərin normallaşdırılması prosesinin təşəbbüskarı olub", - deyə C.Bayramov bildirib.

Nazir qeyd edib ki, Azərbaycan dəfələrlə Ermənistanla sülh sazişinin hazırlanması təşəbbüsü ilə çıxış edib və bu məqsədlə müvafiq komissiyanı təsdiqləyib. Eyni zamanda, Azərbaycan Ermənistanla sərhədin delimitasiyası, regionda kommunikasiyaların açılması və Zəngəzur dəhlizinin yaradılması üzərində işləməyə hazır olduğunu bildirib.

"Ermənistan hələ də danışıqların imitasiyası praktikasından istifadə edir və öhdəliklərini yerinə yetirmək əvəzinə, sülh prosesini pozmaq üçün tez-tez təxribatlara əl atır", - deyə C.Bayramov bildirib.

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics