Siyasət

Putinlə generallar arasında GƏRGİNLİK - Buna icazə vermədi

24 Sentyabr 2022 23:21
Baxış: 3 378
#RUSİYA-UKRAYNA MÜHARİBƏSİ

Rusiya prezidenti Vladimir Putin yerdəki komandirlərin xahişlərinə baxmayaraq, rus hərbçilərinin Xersondan geri çəkilməsinə icazə verməyib və hazırda Ukraynaya qarşı müharibənin strateji planlaşdırılması ilə şəxsən məşğul olur. Bu məsələ Rusiya Federasiyasının rəhbərliyi və yüksək səviyyəli hərbçilər arasında gərginliyə səbəb olub.

Milli.Az musavat.com-a istinadən bildirir ki, bu barədə "The New York Times" qəzeti məlumat yayıb.

Qəzetin yazdığına görə, Xersondan geri çəkilmək rus hərbçilərinə mütəşəkkil şəkildə Dnepr çayı üzərindən geri çəkilməyə, öz texnikasını qoruyub saxlamağa və əsgərlərin həyatını xilas etməyə imkan verəcək.

Lakin belə bir geri çəkilmə Rusiya rəhbərliyi üçün müharibədə növbəti alçaldıcı məğlubiyyət olardı, Ukrayna üçün isə bir ay ərzində ikinci böyük qələbəyə çevrilə bilərdi.

"The New York Times"ın mənbələrinə görə, Putin hərbçilərə bütün strateji qərarları yerdə verəcəyini açıqlayıb:

"Putin hərbi komandanlığın bəzi tövsiyələrini, o cümlədən mülki əhalinin səfərbər edilməsini qəbul etsə də, onun bəyanatı hərbçilər arasında gərginlik yaradıb".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.