Siyasət

Almaniya səfərbərlikdən yayınan rusları qəbul edəcək

22 Sentyabr 2022 22:18
Baxış: 730

Almaniya qismən səfərbərlikdən yayınan rusları qəbul etməyə hazır olduğunu açıqlayıb.

Milli.Az "qafqazinfo"-ya istinadən xəbər verir ki, bu barədə Almaniya Daxili İşlər Nazirliyinin rəhbəri Nensi Fezer açıqlama verib.

O, döyüşməkdən imtina edən çağırışçıların Almaniyada sığınacaq üçün müraciət edə biləcəklərini qeyd edib.

Bundan əvvəl Avropa Komissiyasının Rusiyada qismən səfərbərlik elan edildikdən sonra humanitar səbəblərdən ruslara viza vermək barədə düşündüyü bildirilmişdi. Avropa Komissiyası artıq Avropa İttifaqı ölkələri ilə məsələni müzakirə edir.

Eyni zamanda, Latviya səfərbərlikdən yayınan Rusiya vətəndaşlarına "təhlükəsizlik baxımından" humanitar viza verməyəcəklərini açıqlayıb.

Qeyd edək ki, sentyabrın 21-dən Rusiyada qismən səfərbərlik elan edilib.

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics