Siyasət

Fransa Azərbaycanlıları Koordinasiya Şurası AŞPA Prezidentinə müraciət etdi

16 Sentyabr 2022 19:18
Baxış: 721

Fransa Azərbaycanlıları Koordinasiya Şurası ölkəmizin dövlət sərhədində Ermənistan silahlı qüvvələrinin törətdiyi genişmiqyaslı təxribatla əlaqədar Avropa Şurası Parlament Assambleyasına (AŞPA) müraciət edib.

Diasporla İş üzrə Dövlət Komitəsindən verilən məlumata görə, AŞPA Prezidenti Tini Koksa ünvanlanan müraciətdə Ermənistan silahlı qüvvələri bölmələrinin 12 sentyabr 2022-ci il tarixində gecədən başlayaraq törətdikləri hərbi təxribat barədə ətraflı məlumat verilib. Baş vermiş təxribat, qarşıdurma və itkilərə görə bütün məsuliyyətin Ermənistanın hərbi-siyasi rəhbərliyinin üzərinə düşdüyü vurğulanıb.

Nəzərə çatdırılıb ki, Fransada yaşayan Azərbaycan icması beynəlxalq hüquq normalarına məhəl qoymayan Ermənistanın təcavüzkar siyasətinə görə dərin narahatlıq hissi keçirir. Çünki Azərbaycanın təşəbbüsü və Avropa Birliyinin vasitəçiliyi ilə aparılan normallaşma və sülh danışıqları prosesinə Ermənistanın hər vəchlə mane olmağa çalışdığı açıq-aşkar göz önündədir.

Koordinasiya Şurası AŞPA Prezidentini Ermənistanın təcavüzkarlıq siyasətinə, revanşizm ideyalarına birdəfəlik son qoyulması və sülhə sövq edilməsi istiqamətində səylərini artırmağa və əməli addımlar atmağa çağırıb.

Qeyd edək ki, bu müraciət Fransa rəsmilərinə və yerli ictimaiyyət nümayəndələrinə də ünvanlanıb.

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics