Siyasət

Ermənilər sülhməramlılardan Azərbaycan əsgərinə atəş açmağı TƏLƏB EDİR

17 Avqust 2022 17:25
Baxış: 7 580

"Ərazilərimizdə qanunsuz məskunlaşmış ermənilərə Azərbaycan tərəfindən o yerləri tərk edib getmələri üçün bir müddətə qədər möhlət verilmişdi. Amma onlar yenə öz revanşist davranışlarına davam etməkdədirlər".

Bunu Milli.Az-a açıqlamasında hərbi analitik, "M5 müdafiə və strategiya" jurnalının Qafqaz və Orta Asiya üzrə nümayəndəsi Alp Arslan İmamqulu deyib.

O bildiib ki, Qarabağdakı qeyri-qanuni erməni silahlı dəstələri və qeyri-qanuni məskunlaşanlar tez bir zamanda ərazidən çıxarılmasa minalanmış ərazilərin sahəsi genişlənə bilər:

"Laçın şəhəri, Zabux və Sus yaşayış məntəqələrində evlərin yandırılması, meşə massivlərinə kütləvi şəkildə zərər verilməsi o deməkdir ki, onlar heç bir vəchlə öz pis əməllərindən əl çəkməyəcəklər. 

Bu səbəblə bundan sonrakı dönəmlərdə həm ərazilərimizdə qanunsuz olaraq məskunlaşmış olanlara, həm də terrorizmlə məşğul olan mövcud qüvvələrə sərt bir şəkildə tədbirlər tətbiq olunmalıdır. Əks halda həm ərazilərin yandırılması ilə yanaşı, minalanmış sahələrin mövcudiyyətində də bir artım təhlükəsi var. Bu da təbii ki, daha sonra bir çox fəsadlar ortaya çıxaracaq. 

Sülhməramlılar da Qarabağı tərk edəcək

Rusiya sülhməramlı qüvvələrinin 10 noyabr bəyanatının tələblərini pozduqları və terrorist yuvasına necə çevirdiyi məlumdur. Amma buna baxmayaraq yenə də ermənilərin onlardan narazı olması o deməkdir ki, onlar bununla yanaşı həm də sülhməramlı qüvvələrin onlarla birgə terror əməllərində iştirakını gözləyirdilər. 

Mövcud vəziyyətdə necə ki, Rusiya Federasiyası Ermənistanın sərhədlərini qorumaqdadır və onun tam olaraq təhlükəsizliyini təmin etməkdədir, təbii ki, bununla yanaşı bu ərazilərimizdə mövcud olan terrorist qüvvələr də eyni şəkildə Rusiya Federasiyası adına bir şəkildə 10 noyabr bəyanatından irəli gələrək ərazilərimizdə xidmət aparan rus sülhməramlılarının da bir növ bizə məxsus torpaqlarda bizə qarşı silah tətbiq etmələrini, döyüşmələrini gözləyirlər. Təbii ki, bu, mümkün olmayacaq. 

Nəinki ərazilərimizdə mövcud olan terrorist qüvvələr tez bir zamanda təmizlənəcək, bununla yanaşı əlbəttə ki, 10 noyabr üçtərəfli bəyanatından irəli gələn öhdəliklər yerinə yetirilmədiyi üçün də Rusiya Federasiyası Sülhməramlı Qüvvələrinin də ərazilərimizi tərk etməsi gözləniləndir".

Təhməz Əsədov
Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics