Siyasət

Ordumuzun “Qisas” əməliyyatı: Bakı nəyə nail oldu?

4 Avqust 2022 08:19
1 Şərh     Baxış: 2 732

Azərbaycan Ordusunun qanunsuz erməni silahlılarının təxribatı nəticəsində əsgərimizin şəhid olmasına dərhal reaksiya verərək, "Qisas" əməliyyatına başlaması və qısa müddətdə rus sülhməramlılarının himayəsində terrorçuluqla məşğul olan dəstəyə ağır zərbə vurması Ermənistanda bomba effekti yaradıb.

Milli.Az axar.az-a istinadən bildirir ki, erməni mediası və rəsmilərinin açıqlamaları Azərbaycan Ordusunun təxribata bu qədər kəskin və sərt reaksiya verəcəyini gözləmədiklərindən soraq verir.

Bəs, Azərbaycan Ordusu nəyə nail oldu?

1. Ermənistana bir daha sübut etdi ki, baş verən təxribata görə mütləq və artıqlaması ilə cavab olacaq. Kiminsə himayəsinə sığınmaqla terror fəaliyyətini davam etdirməyə Azərbaycan qətiyyən dözməyəcək;

2. Azərbaycan Prezidenti İlham Əliyevin səbrini sınağa çəkmək və imzalanan bəyanatlara əməl etməmək ağır nəticələr doğura bilər;

3. Azərbaycan qanunsuz erməni silahlılarının Azərbaycan ərazisindən çıxmasını, Zəngəzur yolunun açılmasını və Laçın yolunun alternativə dəyişdirilməsini tələb edir. Bu tələblər 10 noyabr 2020-ci il bəyanatına əsaslanır. Heç bir manipulyasiyanı, müxtəlif bəhanələrlə vaxt uzatmağı Azərbaycan qəbul etməyəcək;

4. Rus sülhməramlıları Azərbaycanın Qarabağ bölgəsinə erməniləri himayə etmək və separatçı-terrorçuların yenidən baş qaldırmasına şərait yaratmaq üçün yerləşdirilməyib. Azərbaycan Ordusu rus sülhməramlı kontingentinin gözü qarşısında belə terrorçu yuvalarını məhv etməyə qadirdir;

5. Azərbaycan Qarabağa yerləşdirilən ermənilərin silahlanmasına və yenidən bu əraziləri münaqişə ocağına çevirməsinə imkan verməyəcək;

6. Bu gün məhv edilən erməni hərbi birliklərinin hərbi hissəsindən göründü ki, kifayət qədər döyüş maşınları, haubitsalar, tanklar saxlamaqda davam edirlər. Azərbaycan Qarabağın hər tərəfinə nəzarət etdiyini, terrorçu yuvalarını dəqiq bildiyini və onların yerdəyişmələrini anbaan izlədiyini, istədiyi vaxt bir zərbə ilə hamısını məhv etməyə hazır olduğunu sübut etdi;

7. Azərbaycan Prezidenti sözü heç vaxt böşuna demir: əgər götürülən öhdəliklərə - şifahi və yazılı - əməl edilməsini tələb edirsə, icra olunmalıdır, əks halda Ali Baş Komandan kimi dərhal və qətiyyətlə sözünü deyəcək və s.

Ən maraqlı məqam Ermənistan hakimiyyətinin hazırkı mövqeyi ilə bağlıdır. Ermənistan Baş naziri Nikol Paşinyan da daxil olmaqla, elə bu gün səhər 10 noyabr 2020-ci il bəyanatı üzərində manipulyasiya edən və bəhanələr axtaran TŞ katibi Armen Qriqoryan və müdafiə naziri və yaxud Baş Qərargah rəisinin hər hansı açıqlaması və müdaxiləsi yoxdur. Ortada yalnız separatçı tör-töküntüsünün rus sülhməramlılarına yalvarışlarını əks etdirən açıqlamaları var. Bu isə o deməkdir ki, İrəvan dolayısı ilə baş verənləri Azərbaycanın daxili işi hesab edir və yaxud Azərbaycanın bu cür qətiyyətli və sərt cavabından şoka düşüblər.

Hər bir halda bu, N.Paşinyan və Ermənistan siyasi-hərbi rəhbərliyi üçün növbəti dərsdir. Nəhayət, bəhanələr sona çatmalı və bəyanatların tələbləri icra edilməlidir.

Milli.Az

 

Şərh yaz:

1 Şərh:

  • Anonim
    Mehri Filkinşteyn · 4 Avqust 09:5411

    Bəli, Azərbaycan nəhayət ki, 44 günlük "ZƏFƏR"dən sonra belə mühakimə olunmamış rəsmən 14.06.1988 tarixli fərmanlı işğalçnın sərhəd boyu Hərbi Atəşlərinə təsirli cavab verib! Milli.Azın 7 bənddən ikisinə nail demək olar. Otuz il davam edən təcrübə göstərir ki, sərhəd boyu Hərbi atəşlərin qarşısını yalnız Ermənistanda onu atan Hərbi məntəqələri yox edilməsi mümkündür! Qisas sözü 35 illik məğlubiyyətə heç uyğun gəlmir və əlbəttə ki, son hadisə hərbi təxribata təsirli cavab olub! Rəsmi işğal cinayətkarı 35 ildən çoxdur Azərbaycan ərazisinin 20%ni viranə edib, hazırda minalarla işğalda saxlamaqdadır, öz ərazisindəki son iki yüz əlli min azərbaycanlı ailələrini də zorla qovub, Qarabağda isə hələ də ermənilər və separat (gizli) silahlılar hələ də qalmaqdadır? Azərbaycan işğalçının heç bir qarış ərazisini belə işğal etməyib, sepatizm mərkəzinə hansısa alternativ yol çəkmək və yeni qlobal (üçtərəfli) bəyannamədən nizamlama-hətta sülh gözləməkdədir?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics