Siyasət

"Bu, regionda nəqliyyat əlaqələrinin inkişafına xidmət edəcək"

2 Avqust 2022 14:10

Baxış: 695

#SİYASƏT

Qarabağın dirçəlişi regionda nəqliyyat əlaqələrinin inkişafına xidmət edəcək.

Milli.Az Trend-ə istinadən xəbər verir ki, bunu xarici işlər naziri Ceyhun Bayramov Daşkənddə türkiyəli həmkarı Mövlud Çavuşoğlu və Özbəkistan xarici işlər naziri vəzifəsini icra edən Vladimir Norovla birgə mətbuat konfransı zamanı deyib.

"Azad edilmiş ərazilərdə nəqliyyat kommunikasiyalarının, xüsusilə Zəngəzur dəhlizinin bərpası bütün Cənubi Qafqaz regionunun xeyrinə əlaqələrin genişlənməsinə xidmət edəcək", - nazir deyib.

Onun sözlərinə görə, Azərbaycan, Türkiyə və Özbəkistan nəqliyyat sektorunda münasibətlərin inkişafı barədə uğurlu danışıqlar keçirib.

"Bakı-Tbilisi-Axalkalaki-Qars dəmir yolu və Orta Dəhliz kimi nəqliyyat xətlərindən istifadə etməklə regionumuzda kommunikasiyaların inkişafı üçün səylər göstərməliyik", - deyə o bildirib.

Milli.Az