Siyasət

MÜSİAD üzvlərinə qlobal ticarət əlaqələri qurmağa imkan verir - FOTO

1 İyul 2022 14:47
Baxış: 338

MÜSİAD üzvlərinə qlobal ticarət əlaqələri qurmağa imkan verir.

Milli.Az Trend-ə istinadən bildirir ki, bunu MÜSİAD Azərbaycanın rəhbəri Rəşad Cabirli KİV nümayənləri ilə görüşü çərçivəsində bildirib.

Görüş zamanı dərnəyin 6 aylıq fəaliyyət proqramı barədə danışan Rəşad Cabirli bildirib ki, MÜSİAD üzvlərin problemlərini, fikir və görüşlərini dövlət qurum və quruluşlarına yerində ötürən, iş dünyasında olduğu qədər cəmiyyətin digər təbəqələri üçün də nümunəvi bir təlim, rəhbərlik, məsləhət mərkəzi halına gələn, təcrübələrini və fəaliyyətlərini peşəkar düşüncə əsaslarına qoyan, intellektual təcrübələrini bölüşən, "ictimai fayda dərnəyi" statusuna sahib olan güclü "Qeyri-Hökumət Təşkilatı"dır.

"MÜSİAD olaraq 1990-cı ildən bu yana dünya üzrə 12.000-dən çox üzvlə təxminən 2.000.000 nəfərin məşğulluğunu təmin edirik. Türkiyədə 83, xaricdə isə 81 fərqli ölkədə cəmi 165 məntəqədəyik. Hal-hazırda müxtəlif sahələrdən olan 60 üzvü ilə 4.000 nəfər işçiyə iş imkanı verməkdədir. 8 nəfərlik İdarə heyəti, 6 komitə və Karzı Hasen Fondu ilə fəaliyyətini davam etdirir. 60 üzvdən 35-i Azərbaycan vətəndaşıdır", - deyə o bildirib.

MÜSİAD Azərbaycanın məqsədlərindən bəhs edən Rəşad Cabirli qeyd edib ki, milli və beynəlxalq səviyyədə müstəqil və neytral hərəkət edən iş adamları dərnəyi olaraq əvvəlcədən müəyyən etdiyimiz prinsip və dəyərləri paylaşaraq üzvlərimizin sayını artırmaq, üzvlərimiz arasındakı həmrəyliyi inkişaf etdirmək və öz aramızda təmin etdiyimiz bu birlik və bərabərlik ruhuyla ölkələrimizin maddi və mənəvi baxımından inkişaf etməsində iştirak etmək, həmçinin, Azərbaycan və Türkiyə iş dünyasının prinsipial və dəyər əsaslı sahibkar iş adamlarını adil dünya qayəsi ilə, yenilikçi bir şəraitdə görüşdürmək, qardaşlıq şüurunu ortaqlıq mədəniyyətiylə birləşdirərək qlobal iqtisadiyyatın fəal iştirakçılarından olmaq prioritet məqsədlərdəndir.

Ətraflı

"Pandemiya qaydalarına baxmayaraq, IBF-MÜSİAD-KOBİA-nın təşkilatçılığı ilə Azərbaycanın paytaxtı Bakıda 33 müxtəlif ölkədən 575 iş adamının və ümumilikdə 1083 iş adamının iştirakı ilə 25-ci IBF Konqresi keçirilib. 2022-ci ildə iftar proqramını Bakıdan kənar 4 fərqli şəhərdə keçirdik. İftar proqramlarını şəhid ailələri, qazilər və onların ailələri, səfirimiz, baş konsulumuz, müşavirlərimiz, deputatlarımız, Türkiyə Cümhuriyyətinin Azərbaycandakı qurumlarının təmsilçiləri, icra başçıları və nümayəndələri, idarə heyəti üzvlərimiz və üzvlərimizin iştirakı ilə reallaşdırdıq. İsmayıllı, Saatlı, Bərdə və Ağdamda iftar süfrələrimizə 2100-ə yaxın qonaq qatıldı. MÜSİAD Azərbaycan İstehsalat və Ticarət Komitəsinin təşkil etdiyi ənənəvi "MÜSİAD Azərbaycan İş Adamları Görüşü" MÜSİAD Azərbaycan üzvləri, rəsmi qurumların nümayəndələri, iş adamları və Kocaeli Körfez Ticarət Palatasının nümayəndə heyətinin iştirakı ilə 150-yə yaxın iş adamını bir araya gətirib.

Gənc MÜSİAD Azərbaycan Trobot AZ komandamız Teknofest Azərbaycanın finalına yüksəldi. Şuşada keçirilən VII "Qarabağ" Beynəlxalq Sosial Elmlər Konqresinin sponsoru olduq və iştirak etdik", - deyə o əlavə edib.

R.Cabirli, həmçinin bildirib ki, hər 2 ildən bir təşkil edilən və dünyanın bir çox ölkəsindən iştirakçıların ziyarət etdiyi Beynəlxalq MÜSİAD Expo 2-5 noyabr 2022-ci il tarixlərində İstanbulda TÜYAP sərgi mərkəzində keçiriləcəkdir.

Milli.Az 

Məqaləyə dair fotomateriallar:

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics