Siyasət

Cənub Qaz Dəhlizi layihəsinə əlavə vəsaitlərin cəlbi üçün hələlik zərurət yoxdur - Samir Şərifov

23 İyun 2022 14:19

Baxış: 835

#İQTİSADİYYAT

Cənub Qaz Dəhlizi layihəsinə əlavə vəsaitlərin cəlb olunmasına hələlik zərurət yoxdur.

Milli.Az Trend-ə istinadən bildirir ki, bunu maliyyə naziri Samir Şərifov deyib.

O bildirib ki, belə zərurət yaranacağı təqdirdə hökumət bu məsələni nəzərdən keçirəcək.

Nazirin sözlərinə görə, Cənub Qaz Dəhlizi layihəsində Azərbaycanın maraqlarını eyniadlı şirkət təmsil edir.

"Bu şirkətdə həm Azərbaycan hökumətinin, həm də SOCAR-ın payı var. Hökuməti bu layihədə İqtisadiyyat Nazirliyi təmsil edir. Layihənin reallaşdırılmasının ilkin mərhələsində maliyyələşdirmə şirkətin özü tərəfindən cəlb olunmuşdu", - deyə nazir bildirib.

O qeyd edib ki, hökumət hər zaman şirkətə zəruri dəstəyi göstərib, dövlət şirkətin qarantıdır.

"Həmçinin Asiya İnfrastruktur İnkişaf Bankı, Avropa İnkişaf Bankı, Dünya Bankı kimi maliyyə təşkilatlarından vəsaitlər cəlb olunub", - S.Şərifov deyib.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ