Siyasət

İrəvan vaxt uzatsa, növbə tarixi ərazilərimizin olacaq - Rusiyanın əsas narahatlığı ...

10 May 2022 17:12
Baxış: 1 962

"Hər gün atəşkəsi pozan düşməni təkrarən və daha təsirli şəkildə cəzalandırmaq zamanı yetişib".

Bunu Milli.Az-a açıqlamasında hərbi ekspert Ədalət Verdiyev deyib.

O bildirib ki, Ermənistanın vaxt uzatması prosesini tarixi ərazilərimizin düşməndən azad edilməsi fəaliyyəti ilə paralel həyata keçirməliyik:

"Atəş açılan düşmən mövqeyinə artilleriya basqını həyata keçirib orada yerləşən silahlıları mineral gübrə halına gətirmək və həmin ərazidə üçrəngli bayarağımızı qaldırmaq, Ermənistanın anlaya biləcəyi ən qısa çıxış yoludur. 

Kimsə Ermənistandan sərhəd barədə kəlmə işlədərsə, bir az da irəli getməliyik. Sərhədlərin təyin edilməsi üzrə İrəvanın komissiyası qəbulumuza yazılmayana qədər addım-addım tarixi ərazilərimizin düşməndən azad edilməsini davam etdirməliyik. Başqa sözlə, Ermənistanın vaxt uzatması prosesini İrəvanın ərazi "itirməsi" fəaliyyəti ilə paralel həyata keçirməliyik. Bu isə Ermənistanda daxili kataklizmləri daha da dərinləşdirəcək.

Rusiyanın hazırda Ermənistan ərazisində Qazaxıstan hadisələrini təkrarlamaq üçün geniş potensialı mövcud deyil. Dünən keçirilən paradda da gördük ki, paradın nə hava komponenti var, digər tərəfdən isə iştirak edən qüvvələrin əksəriyyəti hərbi məktəblərin və liseylərin kursantları idi. Odur ki, indiki belə bir çətin vəziyyətdə Rusiyanın Ermənistana müdaxilə etməsi üçün real imkanlar mövcud deyil".

Qeyd edək ki, mayın 9-u axşam saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Əzizli yaşayış məntəqəsi istiqamətində yerləşən mövqelərindən Kəlbəcər rayonunun Yuxarı Ayrım yaşayış məntəqəsi istiqamətində yerləşən Azərbaycan Ordusunun mövqelərini atıcı silahlardan istifadə etməklə fasilələrlə atəşə tutub.

Təhməz Əsədov
Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics