Mobil telefon

Wikipedia-nın "atası" yeni biznesə başlayır

22 Yanvar 2014 20:38
0 Şərh     Baxış: 1 542
VTB-də minimal faiz dərəcəsi ilə nağd kredit 9.9%-dən
#WİKİMEDİA FOUNDATİON, INC.
Wikipedia onlayn ensiklopediyasının yaradıcılarından biri Cimmi Ueyls The People's Operator (TPO) xeyriyyə mobil rabitə operatorunun səhmlərini alıb. Sövdələşmə barədə ətraflı məlumat verilməsə də, onun səhmlər paketinin xeyli hissəsinə sahib çıxdığı bildirilir. C.Ueyls həmçinin TPO Direktorlar Şurasının həmsədri seçilib.

Wikipedia təsisçisi bildirib ki, Böyük Britaniyanın TPO operatoruna ABŞ-dan başlamaqla beynəlxalq səviyyəyə çıxmağa yardımçı olmaq niyyətindədir. Bundan başqa, C.Ueyls onun TPO-ya gəlişinin mobil rabitə operatoruna əlavə diqqəti, həmçinin internet cəmiyyətinin diqqətini cəlb edəcəyini düşünür.

Milli.Az ICTnews-a istinadən bildirir ki, Fransanın Orange və Almaniyanın Deutsche Telekom şirkətlərinin birgə müəssisəsi olan The People's Operator mobil rabitə operatoru fəaliyyətə 2012-ci ilin noyabrında Böyük Britaniyada başlayıb.

TPO abunəçinin zəng, SMS və internet trafikinə xərclədiyi məbləğin 10 faizini (vergi tutulduqdan sonra) xeyriyyəçiliyə sərf edir. Ödənişin təyin edilməsini abunəçilər müstəqil şəkildə seçə bilər. Bundan başqa, şirkət mənfəətinin 25 faizini xeyriyyəçilik məqsədləri üçün xərcləmək niyyətindədir. Lakin TPO hələ ki mənfəət əldə etmir, habelə abunəçilərinin sayını gizli saxlayır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.