Kulinariya

İrəvan kətəsinin hazırlanması - Usta öz sirlərini açır - VİDEO

7 Dekabr 2019 15:12
11 Şərh     Baxış: 14 471
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az Lent.az-a istinadən oxucularına növbəti maraqlı resepti təqdim edir.

Bu dəfə sizi sosial şəbəkədə "EV YEMEKLERİ" adı ilə məşhur olan səhifəyə istinadla İrəvan kətəsinin hazırlanması ilə tanış edəcəyik.

Tərkibi:

400 qram un, 25 qram duru yağ, 1 stəkan qatiq, 1 ədəd yumurta, 1 paket qabartma, 1 paket vanil.

Hazırlanması:

Unu, yağı ləyənə əlavə edib umac hazırlayırıq. Umacın içərisinə yumurta, qatıq, vanil və qabartma tozu əlavə edib yumşaq xəmir yoğururuq. Xəmiri yoğurduqdan sonra kündələyib selafona büküb soyuducuya qoyub 30 dəqiqə saxlayırıq. Bu zaman ərzində xəmirin içliyini hazırlayırıq. Bunun üçün tavaya un əlavə edib qovururuq. Qovurduğumuz unu ələkdən keçirir və tam soyuduqdan sonra içərisinə şəkər tozu, vanil, duru yağ əlavə edib yaxşıca yoğururuq.

Kündəmizi soyuducudan çıxarıb, bir neçə kündələrə bölür, üzərini unlayıb açırıq. Açdığımız xəmirin içərisinə içlik əlavə edib, rulon şəkilində bükürük. Bükdüyümüz şirniyyatı yenidən bükülü şəkildə oxlovla açırıq. Təxminən bir barmaq qalınlığında olmalıdır. Yumurta ilə sarıkökü qarışdırıb xəmirin üzərinə çəkirik. Sonra kətələri formada kəsib, bişirəcəyimiz listə yığıb sobaya yerləşdiririk. Təxminən 30-40 dəqiqə bişdikdən sonra servis edirik.

Nuş olsun!

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.