Kulinariya

Ciyəri bu cür bişirsəniz, DADINDAN DOYMAYACAQSINIZ

15 Dekabr 2017 07:00
15 Şərh     Baxış: 35 825
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mal və qoyun ciyəri həm ləzzətli, həm də sağlamlığa faydalı olması baxımından çox yeyilən bir qidadır. Amma onu bişirmək elə də asan deyil. Ləzzətli ciyər bişirmək üçün bəzi nüanslara diqqət etmək lazımdır. Milli.Az ailem.az-a istinadən dadlı və asan ciyər hazırlamanın bəzi məqamlarını diqqətinizə çatdırır.

Təzəliyi əhəmiyyətlidir
 
İlk olaraq ciyəri güvəndiyiniz bir qəssabdan alın. Diqqət edin ki, ciyər ən çox bir günlük olsun.
 
Mal ciyərini südlə marinə edin
 
Südlə marinə edilmiş mal ciyəri yumşaq və dadlı olacaq. Bunun üçün ciyəri bişirməzdən 1 və ya 2 saat əvvəl süddə saxlayın.
 
Damarlarını təmizləyin 
 
Ciyərdə olan damarları təmizləməyiniz məsləhətdir. Bunun üçün əlinizlə yoxlayın, sərt olan qismlərin damar olduğunu anlayıb təmizləyə bilərsiniz.
 
Suda saxlamayın
 
Əgər quzu ciyəri almısınızsa, suda saxlamağınız məsləhət deyil. Hətta yuyarkən belə, sudan azca keçirin, çünki ciyər suda çox qalsa dadsız və sərt olar.
 
Keşniş toxumu qatın
 
Ciyəri bişirərkən ona bir az keşniş toxumu qatın. Belə olduqda ciyərin ağır qoxusu tamamilə itəcək.
 
Quyruq yağı 
 
Ciyəri quyruq yağı ilə bişirmək ayrı bir ləzzətə sahib olmasını təmin edəcək. Tavada bişirəcəyiniz ciyərin üzərinə bir sıra quyruq yağı düzsəniz, dadından doymayacaqsınıız.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.