Sağlamlıq

Uşağın boyunu, göz rəngini əvvəldən seçmək mümkün olacaq

26 İyun 2025 23:24

Baxış: 1 328

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #HAMİLƏLİK #QADIN

ABŞ-də yerləşən şirkət süni mayalanma yolu ilə əldə edilən embrionlar üzərində genetik analiz apararaq valideynlərə "daha sağlam və üstün körpə" seçmək imkanı yaradan yeni texnologiyanı təqdim edib.

Milli.Az xəbər verir ki, "Nucleus Embryo" adlanan bu texnologiya valideynlərə 20-yə qədər embrionu analiz etdirməklə onların təxminən 900 genetik və sağlamlıq riskini dəyərləndirmək imkanı verir. Bu göstəricilər arasında Alzheimer, şəkərli diabet, xərçəng kimi xəstəliklərlə yanaşı, zəka səviyyəsi, boy, çəki və göz rəngi kimi xarakterik xüsusiyyətlər də yer alır. Əldə edilən nəticələrə əsasən, valideynlər ən az risk daşıyan embrionu seçərək hamiləliyə davam edə bilirlər. Bu xidmətin qiyməti 5 min 999 dollar olaraq göstərilib.

Texnologiyanın təqdimatı həm tibbi dairələrdə, həm də ictimai və etik müzakirələrdə ciddi rezonans doğurub. Rəsmi açıqlamalarda bu yanaşmanın məqsədinin tibbi riskləri azaltmaq olduğu bildirilsə də, bir çox mütəxəssis bu cür embrion seçiminin "dizayn edilmiş uşaq" anlayışını leqallaşdırdığını qeyd edir. Artıq valideynlər yalnız xəstəlik risklərinə görə deyil, uşağın intellektual və fiziki üstünlüklərinə görə də seçim edə bilirlər.

İsmayıl
Milli.Az