Sağlamlıq

Bəzi xiyarlar niyə acı dadır?

26 İyun 2025 23:48

Baxış: 1 986

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Xiyarın bəzən acı dad verməsi bir çox insanı narahat edir. Mütəxəssislər bu halın əsas səbəbinin xiyarın tərkibindəki "kukurbitasin" adlı maddə olduğunu bildirirlər.

Milli.Az xəbər verir ki, bu maddə xiyarın xüsusilə uca yaxın hissələrində toplanır və acı dadın yaranmasına səbəb olur. Kukurbitasin əsasən bitkinin müdafiə mexanizmi kimi yaranır və acılıq şəraitdən asılı olaraq daha da güclənə bilər.

Məlumata görə, xiyarın acı olmasına təsir edən amillər arasında qeyri-kafi suvarma, torpaq çatışmazlığı, temperatur dəyişiklikləri və genetik faktorlar önə çıxır. Stress şəraitində böyüyən bitkilərdə bu maddənin miqdarı artır və nəticədə meyvə acılaşır.

Mütəxəssislər bildirirlər ki, acılıq əsasən xiyarın gövdədən uzaq olan, uc hissəsində daha çox olur. Acı dadla qarşılaşmamaq üçün bu hissənin kəsilib atılması tövsiyə olunur. Ev şəraitində xiyar yetişdirənlərə isə düzgün və bərabər suvarma rejiminə diqqət etmələri məsləhət görülür.

Qeyd edək ki, kukurbitasin sağlamlığa zərərli deyil, lakin dad baxımından xoşagəlməzlik yarada bilər.

İsmayıl
Milli.Az