Avto

2025-ci ilin ən yaxşı maşınları seçildi - "Mercedes" siyahıda yoxdur

26 İyun 2025 18:42

Baxış: 609

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #TEXNOLOGİYA #AVTOMOBİL #MAŞIN BAZARI

225 mindən çox britaniyalı sürücü 2025-ci ilin ən yaxşı avtomobilini seçib.

Milli.Az xəbər verir ki, bu seçim Böyük Britaniyanın məşhur avtomobil platforması olan Autotrader tərəfindən keçirilən "Driver's Choice Awards 2025" çərçivəsində baş tutub. Səsvermədə 225 mindən çox sürücü iştirak edib. Bu, mükafatın indiyədək qeydə alınan ən yüksək iştirakçı sayı hesab olunur.

Böyük Britaniyada keçirilən "Autotrader Driver's Choice Awards 2025" səsverməsinin nəticələri açıqlanıb. Kia EV3 modeli 2025-ci ilin "İlin Yeni Avtomobili" seçilib. Həmçinin bu model "Ən yaxşı orta sinif elektrikli avtomobil" kateqoriyasında da qalib olub.

Sürücülər avtomobilləri rahatlıq, dizayn, texnologiya və gündəlik istifadədə göstərdiyi performansa görə qiymətləndiriblər. Müsabiqənin digər qalibləri isə aşağıdakı kimidir:

Ən Yaxşı Ailə Avtomobili - BMW i4

Şəhər üçün Ən Yaxşı Avtomobil - Hyundai IONIQ 5

Ən Dəyərli Yeni Avtomobil - Omoda 5

Uzaq Yola Ən Yaxşı Avtomobil - Renault Scenic E-Tech

Ən Əyləncəli Avtomobil - Porsche Macan

Yeni Sürücülər üçün Ən Yaxşı Avtomobil - Volkswagen Golf

İt Sahibləri üçün Ən Yaxşı Avtomobil - Škoda Enyaq

Ən Yaxşı 7 Yerlilik Avtomobil - Hyundai Santa Fe

Yük Çəkmək üçün Ən Yaxşı Avtomobil - Volvo XC60

Autotrader rəsmiləri bildiriblər ki, bu mükafatlar alıcıların seçimində real təcrübəyə əsaslanan etibarlı bələdçi rolunu oynayır. Səsvermədə rekord sayda iştirak göstərməsi, bu tədbirin geniş ictimai etimada malik olduğunu göstərir.

İsmayıl
Milli.Az