Kulinariya

Xiyar turşusunun HAZIRLANMA QAYDASI

16 Avqust 2017 07:00
6 Şərh     Baxış: 37 012
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xiyar turşusu necə hazırlanır? Hazırlarkən nələrə diqqət etmək lazımdır?

Milli.Az ailem.az-a istinadən xiyar turşusu hazırlamağın qaydasını təqdim edir.

Lazım olan ərzaqlar:
 
1 turşu qabını dolduracaq qədər xiyar
10 stəkan su
300 qr üzüm sirkəsi
150 qr iri duz
 
Hazırlanma qaydası:
 
Turşu hazırlayarkən öncə xiyarların ölçüsünə diqqət etmək lazımdır. Turşuluq xiyarlar kiçik və içi tumsuz olmalıdır. Bundan başqa süfrə duzu istifadə etsəniz, çox duzlu ola bilər. Ona görə də iri duzdan istifadə etməlisiniz.
İlk olaraq xiyarların uzun saplarını kəsin və bir bıçağın ucuyla üstündə xırda deşiklər açın. Belə etdikdə xiyarlar turşu suyunu yaxşıca çəkərək tez gələcək. Deşilən xiyarları qabın içinə qoyun. Daha yaxşı dad alması üçün aralarına noxud, nanə yarpaqları və sarımsaq da tökə bilərsiniz. Xiyarlar daha yaxşı gəlsin deyə 1-2 dilim limon da atmaq olar.

Turşu suyunu hazırlamaq üçün böyük bir qaba suyu tökün. İçinə üzüm sirkəsi və duz töküb yaxşıca qarışdırın. Yaxşı qarışdığından əmin olmaq üçün qabı tərəfə əyib suyun çox olduğu yerə yumurta qoyun. Əgər yumurta suyun üstündə üzürsə, deməli turşu suyu hazırdır, duzu da yetəri qədərdir. Turşu suyunu hazırladıqdan sonra xiyarların üstünə tökün.

Ardınca bir dəstə cəfərini qabın ağzına qoyun. Cəfəri qabın içindəki ərzaqların üstə çıxmasının və turşunun xarab olmasının qarşısını alacaq, eyni zamanda gözəl bir dad qatacaq.

Şorabanı işıq düşməyən, sərin bir yerdə təxminən bir ay saxlayın. Turşu gələndən sonra yeyə bilərsiniz.
 
Nuş olsun!

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.