Kulinariya

Mətbəx sirləri: Göyərti və pendirli burma ev çörəyi - FOTO

19 Noyabr 2014 07:00
0 Şərh     Baxış: 4 509
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Milli.Az göyərti və pendirlə burma ev çörəyinin hazırlanma qaydasını təqdim edir

Tərkibi:

xəmir: 

6,5 st. un
1 ç.q. duz
5 x.q. şəkər tozu
1 st. ilıq su (35 dərəcə C)
1 st. + 2 x.q. ilıq süd (35 dərəcə C)
1,5 ç.q. quru maya
0,25 st. bitki və ya kərə yağı

iç:

6 x.q. duzsuz kərə yağı
4 st. sürtgəcdən keçirilmiş bərk pendir (müxtəlif növləri qarışdıra bilərsiniz)
göy soğan
1 ç.q. əzilmiş sarımsaq
1 ç.q. pul bibər

Südlə suyu qarışdırın, maya əlavə edib əriyənədək qarışdırın. Mikserin qabında ələnmiş un, duz, şəkər tozunu qarışdırın (qaşıqla), maya qarışığını, yağı əlavə edib mikserlə 2 dəqiqə müddətində xəmir yoğurun. 5 dəqiqə ara verin. Sonra gərək olduqca su və un əlavə edərək yenə yoğurun. Yumşaq, ələ yapışmayan xəmir alınmalıdır.



Xəmiri unlanmış masaya qoyun, əlinizlə 2-3 dəqiqə yoğurun, kündə tutun. Yağlanmış ləyəndə otaq temperaturunda 60-90 dəqiqə saxlayın. (Bu xəmiri soyuducuda 4 gün saxlamaq olar, ancaq bişirməzdən 2 saat əvvəl soyuducudan çıxarmaq məsləhətdir).

Xəmirin həcmi 2 dəfə böyüyəndə iki yerə bölün, un səpilmiş masada hər birini 40x25 sm ölçüdə yayın. Üzərinə əridilmiş yağ çəkin, doğranmış soğan, pendir, sarımsaq və pul bibər səpin. İçi əlinizlə xəmirə doğru basın, sonra sıx rulet şəklində bükün. Kənarlarını bərkidin. İti bıçaqla ruletləri ortadan uzunasına bölün, bir-birinə dolayın (kəsiklər üstə düşsün). Ruletin kənarlarını birləşdirə də bilərsiniz.



Bunları yağlanmış formalara qoyun, üzərinə dəsmal çəkib isti yerdə təxminən 1 saat saxlayın. Çörəklərin həcmi artanda hər ikisini eyni zamanda 180 dərəcə qızdırılmış sobaya qoyun. 50 dəqiqə bişirin. Sobaya qoyandan təxminən 25 dəqiqə sonra üzərini yoxlayın, çox qızarıbsa, üzərinə folqa çəkin.

Bişmiş çörəkləri formada bir qədər soyudub sonra çıxarın.

Bu çörəyi ağzıbağlı qabda 5 gün saxlamaq olur (amma təcrübə göstərir ki, buna ehtiyac qalmır, çünki dərhal yeyilir).



Nuş olsun!

Resept: vk.com/academy_main

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.