Ədviyyatlı, kartoflu, xırçıldayan üçbucaq börək resepti

Çölü nar kimi qızaran, daxili isə yumşaq və ətirli baharatlarla zəngin olan bu kartoflu çıtır üçbucaq börək çay saatlarından səhər yeməyinə qədər günün hər anına ləzzət qatacaq. Praktik hazırlanması və az materialla bol porsiya təqdim etməsi sayəsində xüsusilə qonaq süfrələri üçün xilasedici bir təamdır.

Milli.Az lazım olan ərzaqları təqdim edir:

İçlik üçün:
5 ədəd kiçik ölçülü kartof

1 ədəd böyük baş soğan

3 yemək qaşığı duru yağ

1 yemək qaşığı bibər tomatı

1 çay qaşığı qara istiot

1 tatlı qaşığı duz

1 çay qaşığı qırmızı şirin bibər tozu

Yarım çay qaşığı kimyon (zirə)

1 çay qaşığı quru nanə

İstəyə görə pul bibər (acı istiot)

Yuxaları soslamaq üçün:
3 ədəd hazır yuxa

1 ədəd yumurta

1 stəkan süd

Yarım stəkan duru yağ

3 yemək qaşığı su

Üzü üçün:
1 ədəd yumurtanın sarısı

Küncüt və ya çörəkotu

Hazırlanma qaydası
İlk olaraq kartofları qaynadıb qabıqlarını soyun. Kiçik hissələrə doğrayın və ya yüngülcə əzin.

Tavaya duru yağı əlavə edin. İncə doğranmış soğanları əlavə edib yumşalana qədər qovurun. Ardından bibər tomatını əlavə edib bir neçə dəqiqə də bişirin.

Hazırladığınız kartofları tavaya köçürün. Duz və bütün ədviyyatları əlavə etdikdən sonra yaxşıca qarışdırın. İçlik tam hazır olduqda ocaqdan götürüb soyumağa buraxın.

Sous üçün dərin bir qabda yumurta, süd, duru yağ və suyu blender və ya çırpıcı ilə qarışdırın.

Birinci yuxanı masanın üzərinə sərin və üzərinə hazırladığınız sosdan çəkin. İncə ikinci yuxanı onun üzərinə bağlayıb yenidən soslayın. Sonuncu yuxanı da yerləşdirdikdən sonra qalan sosu üzərinə gəzdirin.

Hazırladığınız soyuq kartoflu harcı yuxanın üzərinə bərabər şəkildə yayın. Kənar hissələri daxilə doğru qatladıqdan sonra yuxanı iki tərəfdən ortaya doğru rulo (rulet) şəklində bükün. Ortada birləşən ruloları bıçaqla ikiyə bölün.

Əldə etdiyiniz uzun ruloları çarpaz şəkildə kəsərək üçbucaq parçalar formalaşdırın. Börəkləri yağlı kağız sərilmiş soba listinə düzün. Üzərinə yumurta sarısı çəkib küncüt və ya çörəkotu səpin.

Əvvəlcədən 175 dərəcə qızdırılmış sobada üzəri qızarana qədər təxminən 45-50 dəqiqə bişirin. Sobadan çıkan börəkləri bir neçə dəqiqə dincəldikdən sonra isti halda servis edə bilərsiniz.

İçliyi mütləq soyuduqdan sonra yuxaya əlavə edin; isti harç yuxanın cırılmasına səbəb ola bilər.

Yuxaların qurumaması üçün hazırlıq mərhələsində üzərlərini təmiz bir bezlə örtün.

Börəklərin daha xırtıldayan olması üçün sobanın ventilyasiyasız (fansız) rejimini seçə bilərsiniz.

Börəkləri isti halda, yanında tündmlü çay, soyuq ayran və ya təzə sıxılmış meyvə şirəsi ilə təqdim edə bilərsiniz. Səhər süfrələrində pomidor, xiyar və pendir növləri ilə mükəmməl bir uyğunluq təşkil edir.

Lalə Qüdrətova
Milli.Az