Kərə yağı ilə qatıq mayalamaq olar?

"Qatıq mayası olmadan da qatıq hazırlamaq mümkündürmü?" sualının cavabı istifadə olunan kərə yağının növündə gizlidir. Kərə yağı təkbaşına klassik bir maya olmasa da, qatıq və ya ayrandan əldə edilən təbii və duzsuz kənd kərə yağı tərkibindəki faydalı bakteriyalar sayəsində uyğun temperaturda südü fermentasiya edə bilər. Düzgün temperatur, vaxt və məhsul seçimi ilə bu üsulla olduqca qatı, hətta "daş kimi" qatıq əldə etmək mümkündür.

Milli.Az xəbər verir ki, qatıq süddəki laktozanı fermentasiya edən laktik turşu bakteriyaları sayəsində yaranır. Klassik qatıq mayası da bu bakteriyaları ehtiva edir. Kərə yağı isə əsasən yağdan ibarətdir və normal şəraitdə bu bakteriyaları aktiv şəkildə saxlamır. Bu səbəbdən təkbaşına kərə yağı standart bir maya hesab edilmir.

Əgər kərə yağı qatıqdan və ya ayrandan əldə edilibsə (yəni nehrə yağıdırsa), onun içində az da olsa canlı qatıq bakteriyaları qala bilər. Belə olan halda, həmin yağ uyğun şəraitdə südü mayalaya bilir. Buna görə də, xüsusilə duzsuz, kənd üsulu ilə hazırlanmış yağlardan istifadə edildikdə qatığın tutma ehtimalı yüksəkdir.

Bu üsulun alınması üçün bəzi vacib detallara diqqət yetirilməlidir:

Marketlərdə satılan kərə yağları adətən qaymaqdan (krem şanti tipli) istehsal edildiyi üçün qatıq mayalamaz. Mütləq qatıq və ya ayrandan hazırlanmış təbii yağ seçilməlidir.

Süd nə çox isti, nə də çox soyuq olmalıdır. Barmağınızı yandırmayan, təxminən 44-46°C ideal temperaturdur.

Təzə kənd südü ilə uğur qazanmaq şansı daha yüksəkdir. Pasterizə edilmiş südlərdə nəticə hər zaman zəmanətli olmaya bilər.

Bu üsul klassik mayalamadan daha uzun çəkə bilər. Adətən 5-9 saat, bəzən isə 8-10 saat gözləmək lazım gəlir.

Kərə yağını birbaşa südə atmaq əvəzinə, az miqdarda ilıq südlə əridib sonra südə qarışdırmaq daha homogen nəticə verir.

Kərə yağı ilə qatıq çalmaq mümkün olsa da, bu, hər zaman 100% nəticə verən standart bir üsul deyil. Yağın tərkibindən asılı olaraq bəzən çox yaxşı alınır, bəzən isə ümumiyyətlə tutmur. Evdə maya olmadıqda təbii kərə yağınız varsa, bu üsulu praktik bir alternativ kimi sınaqdan keçirə bilərsiniz.

Lalə Qüdrətova
Milli.Az