PUL
.jpg)
.jpg)
.jpg)
Xəmirin mayalanması unlu məmulatların qabarmasını, dad və tekstura qazanmasını təmin edən vacib bir prosesdir. Lakin xəmir həddindən artıq mayalanarsa onun quruluşu, dadı və bişmə keyfiyyəti ciddi şəkildə pisləşir.
Milli.Az xəbər verir ki, xəmirdə həddindən artıq qaz yığıldığı üçün onun daxili strukturu (qlüten şəbəkəsi) zəifləyir. Nəticədə xəmirə toxunduqda və ya o, sobaya daxil olduqda anidən sönür və çökür.
Maya uzun müddət fəal qaldıqda unun içindəki şəkəri tamamilə istehlak edir və xəmirdə kəskin, xoşagəlməz turş dad əmələ gəlir.
Xəmir elastikliyini itirir, yapışqan və sönük bir hala düşür. Bişdikdən sonra məsaməli və yumşaq deyil, sıx və ağır olur.
Həddindən artıq mayalanmış xəmir sobada kifayət qədər qabarmaz və içi xəmir kimi (çiy) qala bilər. Xarici görünüşü isə büzüşmüş və cəlbediciliyini itirmiş olur.
Bulkalar, çörəklər və ya digər xəmir məmulatları soba listi üzərində yayılır, formasını qoruya bilmir.
Ən yaxşı nəticə üçün xəmirin həcmi təxminən iki qatına çatdıqda artıq gözlətmədən bişirməyə və ya forma verməyə keçilməlidir.
Əgər xəmirin çox mayalandığını hiss etsəniz, onu yüngülcə yenidən yoğurub havasını alaraq yenidən kündələmək olar. Lakin yadda saxlayın ki, bu zaman dad və daxili quruluş (tekstura) heç vaxt ilkin ideal vəziyyətdəki kimi olmayacaq.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.png)
.jpg)
.jpg)
.png)
