Kulinariya

7 dəqiqəyə necə pizza hazırlamaq olar?

29 Noyabr 2024 17:50

Baxış: 4 282

VTB-də minimal faiz dərəcəsi ilə nağd kredit 9.9%-dən

#KULİNARİYA #PİZZA #7 DƏQİQƏYƏ NECƏ PİZZA HAZIRLAMAQ OLAR?

Lavaşdan pizza hazırlamaq həm asandır, həm də sürətlidir.

Milli.Az bunun üçün sizə lazım olan əsas ərzaqları təqdim edir:

1-2 ədəd lavaş (nazik olmalıdır)
Pomidor sousu (ketçup və ya evdə hazırlanmış pomidor püresi də ola bilər)
Rəndələnmiş pendir (mozzarella və ya başqa növ pendir)
İstədiyiniz tərəvəzlər (göbələk, bibər, zeytun, pomidor və s.)
Ət və ya kolbasa dilimləri (zövqə uyğun)
Ədviyyatlar (oregano, kəklikotu, qara istiot və s.)

Hazırlanma qaydası:

Soba əvvəlcədən 180-200 dərəcəyə qədər qızdırılır.
Lavaşı soba qabına yerləşdirin. Əgər daha qalın baza istəyirsinizsə, iki lavaşı üst-üstə qoya bilərsiniz.
Lavaşın üzərinə nazik təbəqə şəklində pomidor sousunu yayın.
Sousun üzərinə istədiyiniz ərzaqları düzün. Əvvəlcə rəndələnmiş pendir əlavə edə bilərsiniz, sonra isə tərəvəzlər və əti düzə bilərsiniz.
Ədviyyatları əlavə edin. Bu, pizzaya xüsusi dad qatacaq.
Hazırladığınız pizzanı sobaya yerləşdirin və təxminən 7-10 dəqiqə bişirin. Pendir əriyib qızılı rəng alanda pizza hazırdır.
Sobadan çıxarıb dilimləyin və isti halda süfrəyə verin.

Bu reseptlə həm dadlı, həm də qısa müddətdə hazırlanan ev pizzası əldə edəcəksiniz.

Nuş olsun!

Ləziz
Milli.Az