Ermənistan-Azərbaycan münaqişəsi

Ümidsiz halda uçurumun kənarında dayanmışıq - Erməni biznesmendən Paşinyana açıq məktub

29 Oktyabr 2020 11:04

Baxış: 4 007

VTB-də minimal faiz dərəcəsi ilə nağd kredit 10.49%-dən

#DAĞLIQ QARABAĞ MÜNAQİŞƏSİ

Ermənistanda baş nazir Nikol Paşinyanın istefasını tələb edən müraciətlərin sayı artır.

Milli.Az Trend-ə istinadən bildirir ki, Rusiyanın "Monarx" şirkətlər qrupunu baş direktoru, erməni əsilli iş adamı Sergey Ambartsumyan N.Paşinyana açıq məktub ünvanlayıb.

Məktubda qeyd olunur ki, 2018-ci ildə xalqın inamını qazanaraq hakimiyyətə gələn nazir bu müddət ərzində qarşıya qoyulan tapşırıqların öhdəsindən gələ bilməyib və ölkəni bu gün çıxılmaz vəziyyətə gətirib çıxarıb:

"2018-ci ildə erməni xalqı sizə inanaraq daha ədalətli və perspektivli ölkədə yaşayacağı ümidi ilə ardınızca getdi. Amma siz özünüz də inkar etməzsiniz ki, biz indi daha da çıxılmaz vəziyyətdəyik, ümidsiz halda uçurumun kənarında dayanmışıq. Bu vəziyyətdə yeganə çıxış yolu sizin hakimiyyəti ölkəni bu cür böhrandan çıxara biləcək şəxsə təhvil verməkdir. Bu, dalandan yeganə çıxış yoludur".

Milli.Az