İran

İran Xəzərdə konteyner terminalı inşa edəcək

13 Sentyabr 2021 18:30
Baxış: 566
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranın şimalında yerləşən Gilan vilayətinin Kaspian limanı ərazisində konteyner terminalı inşa olunacaq.

Milli.Az Trend-ə istinadən bildirir ki, bunu İranın Gəmiçilik Qrupunun icra direktoru Məhəmməd Rza Modərres Xiyabani Kaspian limanı ilə yaxından tanış olarkən deyib.

M.Modərres Xiyabaninin sözlərinə görə, bu terminalın inşa edilərək istifadəyə verilməsi ilə Xəzər dənizində İranın konteyner məhsulları ticarətinin inkişaf etdirilməsinə imkanlar yaranacaq.

Modərres Xiyabani əlavə edib ki, İranın Ənzəli Ticarət Zonası və İranın Gəmiçilik Qrupu Şimal-Cənub Dəhlizinin aktivləşdirilməsində əsaslı rola sahib ola bilər.

İranın Ənzəli Azad Ticarət Zonasının icra direktoru Əli Ovsət Əkbəri Moqəddəm də bildirib ki, Rəşt-Kaspian dəmiryolu ilin sonuna kimi (20 mart 2022) istifadəyə veriləcək. Bu dəmiryolu İranın tranzit və ticarətinin inkişafında əsaslı rola sahib olacaq.

Qeyd edək ki, İranın Gilan vilayətində Rəşt-Kaspian dəmiryolunun uzunluğu 35 kilometrdir.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.