İran

İran kəşfiyyatında şok itki: General-mayor öldürüldü

6 Aprel 2026 12:10

Baxış: 472

VTB-də minimal faiz dərəcəsi ilə nağd kredit 10.49%-dən

#IRAN

İran hərbi və kəşfiyyat strukturlarına ağır zərbə vurulub. ABŞ və İsrail tərəfindən həyata keçirilən hərbi əməliyyatlar nəticəsində İslam İnqilabı Keşikçiləri Korpusunun (SEPAH) Kəşfiyyat Təşkilatının rəhbəri, general-mayor Məcid Xademi həyatını itirib.

Milli.Az xəbər verir ki, mənbələr generalın öldürülməsini Tehranın regional təhlükəsizlik və kəşfiyyat şəbəkəsinə vurulan ciddi zərbə kimi qiymətləndirirlər. Məcid Xademi İranın kəşfiyyat əməliyyatlarının idarə olunmasında və daxili təhlükəsizliyin təmin edilməsində ən əsas fiqurlardan biri hesab olunurdu.

Analitiklərin fikrincə, yüksək rütbəli hərbçinin məhv edilməsi regionda onsuz da gərgin olan vəziyyəti daha da alovlandıra bilər. Bu hadisə həm də İranın hərbi rəhbərliyinin hədəfə alınması strategiyasının növbəti mərhələsi kimi görünür. Tehranın bu itkiyə hansı formada cavab verəcəyi dünya gündəminin əsas sualına çevrilib.

Səkinə Yusifova
Milli.Az